இலங்கை பிரச்சினையில் அரசுக்கு முழு ஆதரவு - ஜெயலலிதாவைச் சந்தித்த பின் சீமான் பேட்டி

சென்னை: ஈழப் பிச்சினையில் தமிழக முதல்வரின் நடவடிக்கைகளுக்கு உறுதுணையாக நிற்போம் என்று நாம் தமிழர் கட்சித் தலைவர் சீமான் தெரிவித்தார்.

மேலும் நடிகை விஜயலட்சுமி தன்மீது கொடுத்துள்ள புகார் குறித்த விசாரணையை சட்டப்பூர்வமாக சந்திப்பேன் என்றும் அவர் தெரிவித்தார்.

நாம் தமிழர் கட்சியின் தலைமை ஒருங்கிணைப்பாளர் சீமான் இன்று தலைமைச் செயலகத்தில் முதல்வர் ஜெயலலிதாவை சந்தித்து பேசினார்.

இலங்கை தமிழர் பிரச்சினையில் முதல்வர் காட்டி வரும் அக்கறைக்கும் நடவடிக்கைகளுக்கும், கட்சத்தீவை மீட்க வலியுறுத்தி தமிழக அரசு கொண்டுவந்துள்ள தீர்மானத்திற்கு நேரில் நன்றி தெரிவிக்கவும் இந்த சந்திப்பு நடைபெற்றதாக தெரிவிக்கப்பட்டது.

நாம் தமிழர் கட்சி இந்தத் தேர்தலில் காங்கிரஸை எதிர்த்து தீவிர பிரச்சாரம் செய்தது. இதன் மூலம் அதிமுகவுக்கு ஆதரவான நிலைப்பாட்டை எடுத்தது. அந்தப் பிரச்சாரத்தின் பலனாக காங்கிரஸ் வெறும் 5 இடங்களைப் பெற்று படுதோல்வி அடைந்தது.

அதிமுக பதவி ஏற்ற கையோடு, முதல்வர் ஜெயலலிதாவுக்கு நாம் தமிழர் கட்சி சில கோரிக்கைகளை முன் வைத்தது.

தமிழரைக் கொன்று குவித்த இலங்கைக்கு எதிரான பொருளாதாரத் தடை, இலங்கை மீதான சர்வதேச விசாரணை, தமிழகத்தில் உள்ள முகாம்களில் வாடும் ஈழத் தமிழருக்கு நல்ல வசதிகள் செய்து தரவேண்டும் போன்ற தீர்மானங்களை சட்டசபையில் ஜெயலலிதா நிறைவேற்ற வேண்டும் என கேட்டுக் கொண்டது நாம் தமிழர் கட்சி.

சட்டமன்றத்தின் முதல் கூட்டத் தொடரிலேயே இந்தக் கோரிக்கைகளை நிறைவேற்றினார் ஜெயலலிதா. இலங்கைக்கு எதிராக மூன்று முக்கியத் தீர்மானங்களை சட்டமன்றத்தில் தானே முன்மொழிந்தார் ஜெயலலிதா. அத்துடன் ஈழத் தமிழர் முகாம்களுக்கு கூடுதல் வசதிகள் செய்து தரவும் உத்தரவிட்டுள்ளார்.

இதற்காக உலகம் முழுவதும் உள்ள தமிழர்கள் அவருக்கு நன்றி தெரிவித்து வருகின்றனர். ஏற்கெனவே ஜெயலலிதாவுக்கு பிரமாண்ட கூட்டம் மூலம் நாம் தமிழர் கட்சி நன்றி தெரிவித்தது.

இந்த நிலையில், இன்று பிற்பகல் 1.15 மணிக்கு முதல்வர் ஜெயலலிதாவை கோட்டையில் சந்தித்தார் சீமான். தங்கள் கோரிக்கையை நிறைவேற்றியதுடன், இலங்கை தமிழர் மீது முதல்வர் காட்டி வரும் அக்கறைக்கும் நடவடிக்கைகளுக்கும் நேரில் நன்றி தெரிவிக்கவே இந்த சந்திப்பு என்று நாம் தமிழர் கட்சி சார்பில் தெரிவிக்கப்பட்டுள்ளது.

ஜெயலலிதாவுக்கு முழு ஆதரவு:

பின்னர் நிருபர்களைச் சந்தித்த போதும் இதனைத் தெரிவித்தார் சீமான். மேலும் அவர் கூறுகையில், "இலங்கை தமிழர் பிரச்சினையில் தமிழக முதல்வர் ஜெயலலிதா அவர்கள் காட்டி வரும் அக்கறை, உறுதியான நடவடிக்கைகளுக்கு நன்றி தெரிவிக்கவே அவரை இன்று சந்தித்தேன்.

கச்சத் தீவை மீட்க வலியுறுத்தி தீர்மானம் நிறைவேற்றியதற்கு நன்றி தெரிவித்தேன். இலங்கை பிரச்சனையில் தமிழக அரசின் நடவடிக்கைகளுக்கு துணையாக இருப்போம்," என்றார்.

அவரிடம் நடிகை விஜயலட்சுமி விவகாரம் குறித்து நிருபர்கள் கேள்வி எழுப்பினர். அதற்கு பதிலளித்த அவர், எந்த தனிப்பட்ட காரணங்களுக்காகவும் நான் முதல்வரைச் சந்திக்கவில்லை. நடிகை விஜயலட்சுமி கொடுத்துள்ள புகாரை சட்டப்படி சந்திக்கத் தயார்," என்றார்.

முதல் சந்திப்பு

சீமான் இந்தத் தேர்தலில் அதிமுகவுக்கு ஆதரவு அளித்தபோதும், ஒரு முறை கூட ஜெயலலிதா நேரில் சந்திக்கவில்லை. தாமாக முன்வந்துதான் இந்த ஆதரவை வழங்கினார். ஜெயலலிதாவை நேரில் சந்திப்பீர்களா என்று கேட்டபோது, நான் எதையும் எதிர்ப்பார்க்கவில்லை. எனவே நேரில் சந்திக்கவில்லை, என்று பத்திரிகையாளர்களிடம் அவர் தெரிவித்திருந்தார்.

இப்போதுதான் அவர் முதல் முறையாக, அதுவும் முதல்வர் பதவி ஏற்றபிறகு ஜெயலலிதாவைச் சந்தித்தார் என்பது குறிப்பிடத்தக்கது.
http://thatstamil.oneindia.in/news

போலீசார் முன் ஆஜராகவில்லை கலாநிதி மாறன்!

சென்னை: சினிமா விநியோகஸ்தரை பண மோசடி செய்த வழக்கில், கே.கே. நகர் காவல் நிலையத்தில் சன் டி.வி. நிர்வாக இயக்குநர் கலாநிதிமாறன் இன்று ஆஜராவார் என்று போலீஸ் தரப்பில் கூறப்பட்டது. ஆனால் இன்று அவர் ஆஜராகவில்லை.

வெளிநாட்டில் உள்ள அவர் இதுவரை சென்னைக்கு திரும்பவில்லை என்று தகவல் வட்டாரங்கள் தெரிவித்தன.

சேலத்தைச் சேர்ந்த திரைப்பட விநியோகஸ்தர் டி.கே. செல்வராஜ். தீராத விளையாட்டு பிள்ளை திரைப்பட விநியோகம் தொடர்பாக ரூ. 82.53 லட்சம் மோசடியில் ஈடுபட்டதாக சன் குழும நிர்வாகி சக்சேனா மீது கடந்த ஜூலை 3-ம் தேதி கே.கே. நகர் காவல் நிலையத்தில் புகார் அளித்தார்.

இதையடுத்து, சக்சேனாவை போலீஸார் கைது செய்து சிறையில் அடைத்தனர். இந்த புகார் தொடர்பாக, சன் டி.வி. நிர்வாக இயக்குநர் கலாநிதிமாறனையும் விசாரிக்கும் வகையில் அவருக்கு போலீஸார் அவருக்கு சம்மன் அனுப்பினர்.

அதில், ஜூலை 13-ம் தேதி கே.கே. நகர் காவல் நிலையத்தில் ஆஜராஜ வேண்டும் என கூறப்பட்டிருந்தது. ஆனால், அன்றைய தினம் அவர் போலீஸில் ஆஜராகவில்லை.

அவரது சார்பில் காவல் நிலையத்துக்கு வந்த வழக்கறிஞர்கள் கலாநிதிமாறன் காவல் நிலையத்தில் ஆஜராக ஜூலை 25-ம் தேதி வரை அவகாசம் கேட்டனர். போலீஸாரும் இதே ஏற்றுக் கொண்டனர்.

இந்த நிலையில், காவல் நிலையத்தில் அவர் ஆஜராவதற்கு அவர் கேட்டிருந்த கால அவகாசம் இன்றுடன் முடிவடைந்தது. எனினும் அவர் போலீஸ் முன்பு ஆஜராகவில்லை.

கலாநிதி மாறன் இப்போது ஸ்விட்சர்லாந்தில் உள்ளதாக செய்திகள் தெரிவிக்கின்றன.
http://thatstamil.oneindia.in/news

தமிழகத்தில் முக்கிய நகரங்கள் நிலநடுக்க அபாய மண்டலமாக அறிவிப்பு

சமீபகாலமாக, தமிழகத்தில் வெள்ளக்‌‌கோவில்தாராபுரம், சென்னை உள்ளிட்ட பல இடங்களில், நில அதிர்வுகள் மிரட்டிக் கொண்டிருக்கின்றன. குறிப்பாக, சென்னை நகரில் அடிக்கடி நிகழும் சிறிய அளவிலான நில அதிர்வு, மக்களைப் பீதியடையச் செய்துள்ளது.கடந்த ஜூன் 3ம் தேதி பிற்பகலில், சென்னை, தி.நகர், மயிலாப்பூர் ஆகிய இடங்களில், அடுக்குமாடி வீடுகளில் வசித்தவர்கள் உணரும் வகையில், நில அதிர்வு ஏற்பட்டது.
மீண்டும் ஜூலை 10ம் தேதி மாலை 4 மணியளவில் அசோக்நகர், கேகே.நகர், ஈக்காட்டுத்தாங்கலிலும், கடந்த 19ம் தேதி திருவல்லிக்கேணி மற்றும் சுற்றுப் பகுதிகளிலும் லேசான நில அதிர்வு ஏற்பட்டதை மக்கள் உணர்ந்துள்ளனர்.இந்தியாவில் எந்தெந்தப் பகுதிகளில் நிலநடுக்கம் வருவதற்கான சாத்தியங்கள் உள்ளன என்பது குறித்து, டில்லியில் உள்ள தேசிய பேரிடர் மேலாண்மை ஆணையம், சில தகவல்களை வெளியிட்டுள்ளது. அதன்படி, தென்னிந்தியாவில் சென்னை, கோவை, உள்ளிட்ட 38 நகரங்கள் மிதமான நில அதிர்வு அபாயம் உள்ள பகுதிகளாக அறிவிக்கப்பட்டுள்ளன.

தமிழகத்தில் சென்னை, கோவை, கடலூர், தர்மபுரி, கல்பாக்கம், ‌சேலம், திருவண்ணாமலை, வேலூர் ஆகியவை மிதமான நில அதிர்வு வருவதற்கான பகுதிகள் என குறிப்பிடப்பட்டுள்ளன.நிலநடுக்கத்தை அதிக அபாயம், மிதமான அபாயம், குறைந்த அபாயம் என ரிக்டர் அளவின் அடிப்படையில், ஒன்று முதல் 12 பிரிவுகளாக பிரித்துள்ளனர். ஒன்று என்றால் உணரப்படாத அளவு. ரிக்டர் அளவு 12 என்றால், நிலத்தின் அமைப்பையே மாற்றிவிடும் அளவுக்குக் கடுமையானது.

இதில், சென்னை மிதமான நிலநடுக்கம் ஏற்பட வாய்ப்புள்ள நகரமாக சேர்க்கப்பட்டுள்ளது. சென்னை, கோவை உள்ளிட்ட 38 தென்னந்திய நகரங்கள் இந்தப் பிரிவில் உள்ளன. ஒருவேளை இங்கு நில அதிர்வு வந்தால், அதை எதிர்கொள்வதற்கான பேரிடர் மேலாண் தொழில் நுட்பம் நம்மிடையே எந்த அளவுக்கு உள்ளது என்பது கேள்விக்குறியே.

இது குறித்து சென்னை வானிலை மைய அதிர்வியலாளர் கோபால் கூறியதாவது:அளவுக்கு அதிகமான ஆழ்துளைக் கிணறுகள், கட்டுமானத்திற்காக வரம்பின்றி மணல் அள்ளுதல், நகரமயமாக்கலுக்காக ஏராளமான மரங்கள் வெட்டுவது போன்ற பல்வேறு காரணங்களால் பூமி சமநிலைத் தன்மையை இழந்து விடுகிறது.மேலும், நீர்நிலைகளில் தண்ணீரைத் தேக்கி வைக்க முடியாமல் உபரி நீர் கடலில் கலந்து விடுகிறது. இதனால், கடல் மட்டத்தை விட பூமி தாழ்நிலையை அடைகிறது. செயற்கையாலும், இயற்கையாலும் நிலநடுக்கம் மனித வாழ்க்கையில் அச்சத்தை ஏற்படுத்துகின்றன.

எதிர்பாராத நேரங்களில், எந்த விதமான அறிகுறியும் இல்லாமல் நிலநடுக்கம் ஏற்பட்டு, மிகப்பெரிய அளவில் சேதத்தை ஏற்படுத்துகின்றன. நிலநடுக்க அளவுகளை எல்லா நாடுகளும் பதிவு செய்கின்றன. நில அதிர்வு அதிகபட்சமாக மூன்று மையங்களில் பதிவானால் மட்டுமே ஏற்றுக் கொள்ளப்படும்.வேலூர் சேலம், திரிசூலம் ஆகிய மலைப்பகுதிகளில் வெடிபொருட்களைப் பயன்படுத்துவதால் அதிக வெடிச்சத்தம் வரும். அது நில அதிர்வு என கூற முடியாது. மிகவும் குறைவான அதிர்வு பதிவாகாது. தமிழகத்தில் தென்மாவட்டங்கள் பாதுகாப்பாக உள்ளன. வடக்கு மாவட்டங்கள் மற்றும் சென்னை நகர் ஆகியவை மிதமான நிலநடுக்கத்தின் மூன்றாவது மண்டலத்திற்கு முன்னேறியுள்ளது. இவ்வாறு கோபால் கூறினார்.

நிலநடுக்கம் எதனால் ஏற்படுகிறது, அதற்கான காரணங்கள் என்ன என்பது பற்றி, பல்வேறு கருத்துகள் நிலவுகின்றன. நிலநடுக்கம் நடந்த பின் தான், அது எவ்வாறு நிகழ்ந்தது என்று ஆய்வு நடத்தப்படுகிறது. ஆனால், நிலநடுக்கத்திற்கான சரியான காரணம் என்ன என்று, விஞ்ஞானிகளால் ஒரு முடிவுக்கு வர முடியவில்லை.அவர்களின் கூற்றுப்படி, கடலில் அதிகப்படியான பேரலைகள் எழுவது; நகரில் அதிகரித்து வரும் வாகனப் போக்குவரத்து; பூமிக்கடியில் பாறைகளுக்கிடையே ஏற்படும் அழுத்தம் போன்ற காரணங்களால் நிலநடுக்கம் ஏற்படுவதாகக் கூறுகின்றனர். நில அதிர்வு என்பது நிலநடுக்கம் வருவதற்கான ஒரு அறிகுறி என்று விஞ்ஞானிகள் எச்சரிக்கின்றனர்.

ரிக்டர் என்றால் என்ன?நிலநடுக்க மானியால் (சீஸ்மோமீட்டர்) ரிக்டர் அளவை மூலம் நிலநடுக்க அதிர்வு அளக்கப்படுகிறது. இந்தக் கருவியை அமெரிக்க நில அதிர்வியலாளர் சார்லஸ் ரிக்டர் 1935ம் ஆண்டு கண்டுபிடித்தார். 2க்கு குறைவானவற்றை மனிதர்களால் உணரமுடியாது. ரிக்டர் அளவில் ஐந்து என்ற அளவு, நான்கைவிட பத்து மடங்கு அதிக அதிர்வுகளைக் கொண்டதாக இருக்கும். 6க்குமேல் பதிவாகும் நிலநடுக்கம் மோசமான பாதிப்புகளை ஏற்படுத்துகின்றன. ரிக்டர் வந்த பின், அதிகபட்சமாக 8.9 வரை நிலநடுக்கம் பதிவு செய்யப்பட்டுள்ளது. இந்த உச்சஅளவை ”மத்ரா நிலநடுக்கமும்(2004), ஜப்பான் நிலநடுக்கமும்(2011) முறியடித்துள்ளன.
-ஜி.எத்திராஜுலு-http://www.dinamalar.com/News

முதல் முறையாக ஜெயலலிதாவைச் சந்திக்கிறார் இயக்குநர் சீமான்!

சென்னை: நாம் தமிழர் கட்சியின் தலைமை ஒருங்கிணைப்பாளர் சீமான் இன்று முதல்வர் ஜெயலலிதாவை சந்திக்கிறார். ஜெயலலிதாவை அவர் சந்திப்பது இதுதான் முதல்முறை என்பது குறிப்பிடத்தக்கது.

நாம் தமிழர் கட்சி இந்தத் தேர்தலில் காங்கிரஸை எதிர்த்து தீவிர பிரச்சாரம் செய்தது. இதன் மூலம் அதிமுகவுக்கு ஆதரவான நிலைப்பாட்டை எடுத்தது. அந்தப் பிரச்சாரத்தின் பலனாக காங்கிரஸ் வெறும் 5 இடங்களைப் பெற்று படுதோல்வி அடைந்தது.

அதிமுக பதவி ஏற்ற கையோடு, முதல்வர் ஜெயலலிதாவுக்கு நாம் தமிழர் கட்சி சில கோரிக்கைகளை முன் வைத்தது.

தமிழரைக் கொன்று குவித்த இலங்கைக்கு எதிரான பொருளாதாரத் தடை, இலங்கை மீதான சர்வதேச விசாரணை, தமிழகத்தில் உள்ள முகாம்களில் வாடும் ஈழத் தமிழருக்கு நல்ல வசதிகள் செய்து தரவேண்டும் போன்ற தீர்மானங்களை சட்டசபையில் ஜெயலலிதா நிறைவேற்ற வேண்டும் என கேட்டுக் கொண்டது நாம் தமிழர் கட்சி.

சட்டமன்றத்தின் முதல் கூட்டத் தொடரிலேயே இந்தக் கோரிக்கைகளை நிறைவேற்றினார் ஜெயலலிதா. இலங்கைக்கு எதிராக மூன்று முக்கியத் தீர்மானங்களை சட்டமன்றத்தில் தானே முன்மொழிந்தார் ஜெயலலிதா. அத்துடன் ஈழத் தமிழர் முகாம்களுக்கு கூடுதல் வசதிகள் செய்து தரவும் உத்தரவிட்டுள்ளார்.

இதற்காக உலகம் முழுவதும் உள்ள தமிழர்கள் அவருக்கு நன்றி தெரிவித்து வருகின்றனர். ஏற்கெனவே ஜெயலலிதாவுக்கு பிரமாண்ட கூட்டம் மூலம் நாம் தமிழர் கட்சி நன்றி தெரிவித்தது.

இந்த நிலையில், இன்று பிற்பகல் 1.15 மணிக்கு முதல்வர் ஜெயலலிதாவை கோட்டையில் சந்திக்கிறார் இயக்குநர் சீமான். தங்கள் கோரிக்கையை நிறைவேற்றியதுடன், இலங்கை தமிழர் மீது முதல்வர் காட்டி வரும் அக்கறைக்கும் நடவடிக்கைகளுக்கும் நேரில் நன்றி தெரிவிக்கவே இந்த சந்திப்பு என்று நாம் தமிழர் கட்சி சார்பில் தெரிவிக்கப்பட்டுள்ளது.

முதல் சந்திப்பு

சீமான் இந்தத் தேர்தலில் அதிமுகவுக்கு ஆதரவு அளித்தபோதும், ஒரு முறை கூட ஜெயலலிதா நேரில் சந்திக்கவில்லை. தாமாக முன்வந்துதான் இந்த ஆதரவை வழங்கினார். ஜெயலலிதாவை நேரில் சந்திப்பீர்களா என்று கேட்டபோது, நான் எதையும் எதிர்ப்பார்க்கவில்லை. எனவே நேரில் சந்திக்கவில்லை, என்று பத்திரிகையாளர்களிடம் அவர் தெரிவித்திருந்தார்.

இப்போதுதான் அவர் முதல் முறையாக, அதுவும் முதல்வர் பதவி ஏற்றபிறகு ஜெயலலிதாவைச் சந்திக்கிறார்.
http://thatstamil.oneindia.in/news

எதிர்பார்த்தது மாற்றம்... கிடைத்தது ஏமாற்றம்...!

சட்டசபை தேர்தல் தோல்விக்குப் பின், அறிவிக்கப்பட்ட முதல் செயற்குழு, பொதுக்குழு கூட்டம் கோவையில் கடந்த 23, 24ம் தேதிகளில் நடந்து முடிந்துள்ளது.தி.மு.க.,வின் தலைவர் பதவியில் கடந்த 42 ஆண்டுகளாக இருந்துவரும் கருணாநிதி, தேர்தல் தோல்விக்கு பொறுப்பேற்று விலக வேண்டும். அவருக்குப் பதில் ஸ்டாலினை தலைவர் பதவிக்கு தேர்வு செய்ய வேண்டும் என்ற எதிர்பார்ப்பு, செயற்குழு கூட்டத்திற்கு முன் இருந்தது.
இந்த முயற்சிக்கு அழகிரி போட்ட முட்டுக்கட்டையால் எதிர்பார்ப்பு மேலும் அதிகரித்தது. மாவட்ட அமைப்புகளை கலைத்துவிட்டு பார்லிமென்ட் குழு, சட்டசபை குழு என்ற அடிப்படையில் கட்சி அமைப்புகளை மாற்றி அமைக்கலாமா என்று கட்சித் தலைமை கருத்துக் கேட்டது.தி.மு.க.,வின் நிர்வாக அமைப்பில் பெரிய மாற்றங்கள் வரப் போகின்றன என்ற எதிர்பார்ப்பில் கட்சியின் அடிமட்டத் தொண்டர்கள் தங்கள் கருத்துக்களை தலைமைக்கு எழுதிக் குவித்தனர். குறுநில மன்னர்களாக வலம் வரும், கட்சி மாவட்டச் செயலர்களின் சாம்ராஜ்யங்கள் முடிவுக்கு வரப் போகின்றன என்ற எதிர்பார்ப்பு, தொண்டர்கள் மத்தியில் மலையாக உயர்ந்தது.

அதற்கு காரணம், அவர்கள் இத்தனை நாட்களாக கட்சியினர் மத்தியில் சம்பாதித்துள்ள வெறுப்பு தான்.விழுப்புரத்தில் பொன்முடி, திருச்சியில் நேரு, அவர் தம்பி, தஞ்சையில் பழனிமாணிக்கம், அவர் தம்பி, ராமநாதபுரத்தில் சுப.தங்கவேலன், தூத்துக்குடியில் பெரியசாமி, அவர் மகள், சேலத்தில் வீரபாண்டி ஆறுமுகம், கடலூரில் எம்.ஆர்.கே.பன்னீர்செல்வம், விருதுநகரில் சாத்தூர் ராமச்சந்திரன், திண்டுக்கலில் ஐ.பெரியசாமி,கோவையில் பொங்கலூர் பழனிச்சாமி ஆகியோர், தனி சாம்ராஜ்யங்களை உருவாக்கிக் கொண்டு, கொடிகட்டிப் பறந்து வருகின்றனர்.

இந்த மாவட்டங்களில், கட்சியை விட, தங்களை முன்னிலைப்படுத்தியே கட்சி இயங்க வேண்டும் என்பதில், இவர்கள் மிகுந்த எச்சரிக்கையுடன் செயல்பட்டு வருகின்றனர். இவர்கள்,"கலைஞர் வாழ்க' என்று சொல்வதை விட, "பொன்முடி வாழ்க, நேரு வாழ்க, வீரபாண்டி ஆறுமுகம் வாழ்க' என்று சொல்வதையே விரும்புகின்றனர். தி.மு.க., என்றாலே அந்த மாவட்டத்தில் தாங்கள் தான் என்றிருக்க வேண்டும் என்பதில் எச்சரிக்கையாக உள்ளனர். அதை மீறுவோர் கட்சியிலேயே இருக்க முடியாது' என்பது அந்தந்த மாவட்ட அடிமட்டத் தொண்டர்களின் புலம்பலாக உள்ளது.

இந்த சாம்ராஜ்யங்களுக்கு விடிவு வரப் போகிறது என்ற எதிர்பார்ப்பில், கோவையில் நடந்த பொதுக்குழு கூட்டத்திற்கு மாநாட்டுக்கு வருவதைப் போல் தொண்டர்கள் குவிந்தனர். வழக்கமாக, கட்சியின் பொதுக்குழு கூட்டம் சென்னையில் உள்ள கலைஞர் அரங்கில் நடைபெறும். ஆனால், இந்த முறை கோவையில் பெரிய அளவில் கூட்டப்பட்டதால், கட்சியின் வரலாற்றையே திருத்தி அமைக்கப் போகிறது என்ற எதிர்பார்ப்பில் தொண்டர்கள் குவிந்தனர். ஆனால், இந்த பொதுக்குழுவும் வழக்கமான பொதுக்குழுவாகவே முடிந்து விட்டது.

"கட்சித் தலைமையில் மாற்றம் இல்லை' என்ற அறிவிப்பு தலைமை மீது இருந்த எதிர்பார்ப்புக்கு முற்றுப்புள்ளி வைத்து விட்டது. கட்சியை திருத்தி அமைக்க, டி.கே.எஸ்.இளங்கோவன் தலைமையில் ஒரு குழுவை நியமித்து உப்பு சப்பில்லாமல் முடித்து விட்டதால், தொண்டர்கள் இமாலய ஏமாற்றத்திற்கு தள்ளப்பட்டுள்ளனர். "ஸ்பெக்ட்ரம்' வழக்கில் சிறையில் உள்ள கனிமொழிக்கு வரிந்து கட்டிக் கொண்டு தீர்மானம் நிறைவேற்றிய கட்சியின் பொதுக்குழு, தி.மு.க., சார்பில் மத்திய அமைச்சராக இருந்து அதே வழக்கில் சிறையில் உள்ள ராஜாவைப் பற்றி ஒரு வரி கூட குறிப்பிடாதது தொண்டர்களை வருத்தமடையச் செய்துள்ளது.

தோல்விக்கான காரணம் மாவட்டச் செயலர்களின் குறுகிய அரசியல் தான் என்பதை பொதுக்குழுவில் பேசியவர்கள் இலைமறை காயாக வெளிப்படுத்தினர். அதை தலைமை புரிந்து கொண்டு, முழுமையாக மாற்றி அமைத்திருக்க வேண்டும். அப்படி செய்யாமல், பெயருக்கு குழுவை நியமித்து விட்டு, குற்றச்சாட்டுக்கு ஆளாகும் மாவட்டச் செயலர்களையே தலைமை தன்னுடன் காரில் ஏற்றிச் சென்றதைப் பார்த்த தொண்டர்கள் பெரும் ஏமாற்றத்தில் தங்கள் ஊருக்கு திரும்பினர். இந்த மனக்குறையை சரிசெய்யாதவரை தி.மு.க.,வால் எழுந்திருக்க முடியாது என்பதே தொண்டர்களின் கருத்தாக உள்ளது.

- மா.சண்முகம் -

http://www.dinamalar.com

இலங்கையின் கொலைக்கள வீடியோ... கண்ணீர் விட்ட சந்திரிகா!

கொழும்பு: இலங்கையின் கொலைக்களம் என்ற பெயரில் சேனல் 4 வெளியிட்ட வீடியோ பற்றிப் பேசும்போது கண்ணீர் விட்டு அழுதார் இலங்கையின் முன்னாள் அதிபர் சந்திரிகா குமாரதுங்க.

இந்த வீடியோவைப் பார்த்த தனது மகனும் மகளும் தங்களை சிங்களவர் என்று சொல்லிக் கொள்ளவே வெட்கப்படுகிறோம் என்று கூறியதாக அவர் கண்ணீருடன் தெரிவித்தார்.

கொழும்பில் நடைபெற்ற மறைந்த முன்னாள் நீதிபதி ஆனந்த பாலகிருஷ்ணரின் நினைவு விழாவில் சிறப்பு விருந்தினராகப் பங்கேற்றார் இலங்கை முன்னாள் அதிபர் சந்திரிகா குமாரதுங்க.

இனங்களுக்கிடையிலான நல்லிணக்கம், சமத்துவம், அரசியல் தீர்வு, அதிகாரப் பகிர்வு, சமமான அபிவிருத்தி உள்ளிட்ட துறைகளின் முக்கியத்துவம் தொடர்பாக தனது உரையில் அவர் சுட்டிக்காட்டினார்.

தனது பேச்சின் இறுதிப் பகுதியில், சமீபத்தில் உலகை அதிர வைத்த தமிழினப் படுகொலை குறித்த இலங்கையின் கொலைக்களம் என்ற வீடியோ தொடர்பாக கருத்து தெரிவித்தார்.

இந்த விடியோவை பிரிட்டன் தொலைக்காட்சியில் பார்த்த 28 வயதான தனது மகன் தான், சிங்களவன் என்று கூற வெட்கப்படுவதாக அழுதவாறு கூறியதாக சந்திரிகா குறிப்பிட்டார். மேலும் தனது மகளும் இவ்வாறே தெரிவித்தார் என்றார் அவர்.

இதைக் கூறும்போது கண் கலங்கிய சந்திரிகா சற்றுநேரம் அமைதியாகிவிட்டு மீண்டும் தழுதழுத்த குரலில் உரையைத் தொடர்ந்தார்.

இந்த நிகழ்ச்சியில் தூதர்கள், ஊடகவியலாளர்கள், சமூக அமைப்பின் பிரதிகள் உள்ளிட்ட பலர் கலந்துகொண்டனர்.
http://www.dinamalar.com/News

திமுக காங்கிரஸ் குடுமிச் சண்டை ஆரம்பம்!ராசா சொல்வது பொய்... நான் எந்த அனுமதியும் தரவில்லை!- ப.சிதம்பரம்

2ஜி ஸ்பெக்ரம் விவகாரத்தில் முன்னாள் அமைச்சர் ராசா தன்னிச்சையாக செயற்பட்டர் என்று சொன்னால் பால் குடிக்கும் குழந்தை கூட நம்புமா என்பது சந்தேகமே.திமுக காங்கிரஸ் கூட்டு இல்லாமல் இந்த மிகப்பெரிய ஊழல் நடத்திருக்க சாத்தியம் இல்லை என்ற நிலையில் இருதரப்பாருமே ராஜாவை பலிகடாவாக்கி தப்பிக்கப்பாத்தனர்..இப்போது ராஜா வாய்திறக்க ஆரம்பித்தை அடுத்து திமுக காங்கிரஸ் வட்டாரங்கள் கதிகலங்கிப் போயுள்ளன.
00000
2 ஜி விவகாரத்தில் அனைத்தும் பிரதமர் முன்னிலையில் நடந்ததாகவும், டிபி ரியாலிட்டியின் பங்குகளை மாற்ற அப்போதைய நிதி அமைச்சர் ப.சிதம்பரமே அனுமதி அளித்தார் என்றும் முன்னாள் அமைச்சர் ஆ ராசா கூறியுள்ளதை மறுத்துள்ளார் ப.சிதம்பரம்.

2 ஜி ஸ்பெக்ட்ரம் முறைகேடு தொடர்பான வழக்கு சிபிஐ சிறப்பு நீதிமன்றத்தில் நடந்து வருகிறது. இந்த விவகாரத்தில் முதல் குற்றவாளியாக கைது செய்யப்பட்டுள்ள முன்னாள் தொலைத் தொடர்புத்துறை அமைச்சர் ராசா,
இன்றைய விசாரணையின்போது, "யூனிடெக், டிபி ரியாலிட்டி நிறுவனங்களின் பங்குகள் விற்பனை சட்டப்படியே நடந்தன. அதில் எந்த முறைகேடும் நடக்கவில்லை. யூனிடெக் நிறுவனத்தின் பங்குகளை டெலிநார் வாங்கியதும் சட்டப்படிதான்.

டி.பி. ரியாலிட்டி நிறுவனத்தின் பங்குகளை எடில்சாட் நிறுவனம் வாங்குவதற்கு அப்போதைய நிதியமைச்சராக இருந்த ப.சிதம்பரம் ஒப்புதல் அளித்தார்.

பிரதமர் மன்மோகன் சிங்கின் முன்னிலையில் தான் இதற்கான ஒப்புதல் தரப்பட்டது. இதை பிரதமர் மறுக்க முடியாது. வேண்டுமானால் அதை அவர் மறுத்துப் பார்க்கட்டும் என்றார்.

இதனால் பெரும் பரபரப்பு ஏற்பட்டுள்ளது. பிரதமரும் உள்துறை அமைச்சரும் இந்த வழக்கில் நேரடியாக இழுக்கப்பட்டுள்ளனர்.

ப.சிதம்பரம் மறுப்பு:

இந்த நிலையில், ராசா கூறியது குறித்து அமைச்சர் ப.சிதம்பரம் கருத்து தெரிவித்துள்ளார். அவர் கூறுகையில், யுனிடெக் மற்றும் ஸ்வான் டெலிகாம் பங்குகளை விற்க நான் அனுமதி தரவில்லை, என்று கூறியுள்ளார்.

இதுகுறித்து செய்தியாளர்களிடம் மேலும் அவர் கூறியதாவது:

2007ம் ஆண்டு நான் நிதியமைச்சராக இருந்தபோது, என் பரிசீலனைக்கு வந்தது டிபி ரியலிட்டி பங்குகள் விற்பனையல்ல. யுனிடெக் மற்றும் ஸ்வான் ஆகிய இரு புதிய டெலிகாம் நிறுவனங்கள் இருக்கிற பங்குகளை விற்கின்றவா அல்லது புதிய பங்குகளை வெளியிடுகின்றனவா என்பதை மட்டுமே நான் பரிசீலித்தேன்.

மேலும் ஆரம்பத்திலிருந்தே, 2ஜி லைசென்சுக்கான ஆரம்பக் கட்டணம் 2001ம் ஆண்டு நிர்ணயிக்கப்பட்ட அளவே இருக்க வேண்டும் என்பதில் பிடிவாதமாக இருந்தது தொலைத் தொடர்புத் துறை. ஆனால் நிதியமைச்சகம்தான் ஏலம் விட்டு அதிக நிதியை ஈட்டலாம் என யோசனை கூறி வந்தது.

ஸ்வான் மற்றும் யூனிடெக் நிறுவனங்கள் முதலில் 2ஜி லைசென்ஸ் பெற்றுக் கொண்டன. அதன் பிறகே புதிய/ வெளிநாட்டுப் பங்குதாரரை சேர்த்துக் கொண்டன. இதற்கு அனுமதி தந்தது தொலைத் தொடர்புத் துறையாகத்தான் இருக்க வேண்டும்.

இப்படி பங்குதாரரை சேர்த்துக் கொண்டது எப்படி என்பதை மட்டுமே நிதியமைச்சகம் பரிசீலித்தது. இதைத் தெரிந்து கொள்ள பிரதமரும் விரும்பினார்.

ஸ்பெக்ட்ரம் லைசென்ஸ் பெற்ற பிறகே அந்த நிறுவனங்களில் புதிய கூட்டாளிகள் இணைந்தனர். புதிய பங்குகள் வெளியீடு மூலம் அவர்களைச் சேர்த்துக் கொண்டன ஸ்வான், யூனிடெக் என்பதையும் நான் பிரதமருக்கு விளக்கினேன் என்று கூறியுள்ளார்.

nanry http://thatstamil.oneindia.in/news

இலங்கைக்கு எதிராக பன்னாட்டு விசாரணை கோரி தீர்மானம்: யு.எஸ்.காங்கிரஸ் நிறைவேற்றுகிறது

இலங்கையில் தமிழர்களுக்கு எதிராக அந்நாட்டு அரசு நடத்திய இனப் படுகொலைப் போர் குறித்து பன்னாட்டு விசாரணை நடத்தப்பட வேண்டும் என்பதை வலியுறுத்தி அமெரிக்கா நாடாளுமன்றத்தில் தீர்மானம் நிறைவேற்றப்படவுள்ளது.

அமெரிக்க ஆளும் கட்சியான ஜனநாயகக் கட்சியின் உறுப்பினர் ரஷ் ஹோல்ட், எதிர்க்கட்சியான குடியரசுக் கட்சியின் உறுப்பினர் மைக்கேல் ஜி. கிரிம் ஆகியோர் அவைத் தீர்மானம் எண் 177 கொண்டு வந்துள்ளனர். இதற்கு செனட், காங்கிரஸ் ஆகியவற்றின் அனைத்து உறுப்பினர்களும் ஆதரவளிக்க வேண்டும் என்று கோரியுள்ளனர்.

“இலங்கையில் மனித உரிமைகளும், அமைதியும் நிலவ வேண்டும் என்று விரும்பும் ஆதரவாளர்களே, அங்கு உள்நாட்டு கட்டுமானங்களும், மறு குடியமர்த்தலும், இணக்கப்பாடும் ஏற்பட வேண்டும், அதன் மூலம் அங்கு அமைதி திரும்ப வேண்டும் என்று விரும்பும் நாங்கள் அவைத் தீர்மானம் 177ஐ அறிமுகம் செய்துள்ளோம். 2002ஆம் ஆண்டு முதல் 2009ஆம் ஆண்டுவரை புலிகளுக்கும் அரசுக்கும் இடையிலான போரில் 7,000 முதல் 40,000 பேர் வரை இரு தரப்பிலும் கொல்லப்பட்டுள்ளனர் என்று மதிப்பீடு செய்யப்பட்டுள்ளது. அது மட்டுமின்றி, போர் நடந்த பகுதிக்குள் செய்தியாளர்களையும், மனித உரிமையாளர்களையும் அனுமதிக்காததால் அங்கே நடந்த போர்க் குற்றங்கள் குறித்த விவரங்களை அறிந்துகொள்வது கடினமாகவுள்ளது.

2002ஆம் ஆண்டு கையெழுத்தான போர் நிறுத்த ஒப்பந்தம் முறிந்ததில் இருந்து அந்நாட்டில் ஏற்பட்ட நிகழ்வுகள் குறித்து ஆராய இலங்கை அரசு ‘கற்ற பாடங்களும், இணக்கப்பாடு ஆணையம்’ என்ற ஒன்றை அமைத்தது. ஆனால் அதன் செயல்பாடு அரசுக்கு ஆதரவானதாக இருக்கிறது என்றும், உண்மையை கண்டறிவதில் அது ஆர்வம் காட்டவில்லை என்றும் குற்றஞ்சாற்றப்பட்டுள்ளது. எனவே, அந்தப் போரில் இரு தரப்பினரும் செய்த குற்றங்களை முழுமையாக ஆராய பன்னாட்டு விசாரணை நடத்த வேண்டும் என்றும், அதன் மூலம் அந்நாட்டில் அமைதியும், உண்மையான இணக்கப்பாடும் ஏற்பட வேண்டும் என்பதற்காக அவைத் தீர்மானம் 177ஐ அறிமுகம் செய்துள்ளோம்.

இதேபோன்றதொரு தீர்மானம் செனட் சபையில் நிறைவேற்றப்பட்டுள்ளது. இந்தத் தீர்மானம் வெற்றி பெற நீங்கள் ஆதரவளிக்க வேண்டும் என்று கேட்டுக்கொள்கிறோம்” என்று அந்த இரண்டு உறுப்பினர்களும் விடுத்துள்ள அறிக்கையில் தெரிவித்துள்ளனர்.

இலங்கை அரசின் மீதான போர்க் குற்றம், மனித உரிமை மீறல்கள் ஆகியவற்றின் அடிப்படையில் அந்நாட்டிற்கு எந்த நிதியுதவியும் அளிக்கக் கூடாது என்பதை வலியுறுத்தி அமெரிக்க நாடாளுமன்றத்தின் பன்னாட்டு விவகாரங்களுக்கான குழுவின் உறுப்பினர் ஹோவர்ட் பெர்மன் அறிமுகம் செய்த தீர்மானம் நிறைவேற்றப்பட்டுள்ளது. அது நாடாளுமன்ற இரு அவைகளிலும் நிறைவேறினால், அது இலங்கை அரசு மீது கடும் அழுத்தத்தை தரும் என்று எதிர்பார்க்கப்படுகிற சூழலில் இரண்டாவது தீர்மானம் தயாராகியுள்ளது என்பது குறிப்பிடத்தக்கது.

http://tamil.webdunia.com

உலகின் 194வது நாடாக தமிழ் ஈழத்தை அறிவிக்க வேண்டும்: ராமதாஸ்

சென்னை: இலங்கை உள்ளாட்சி தேர்தல் முடிவுகள் தனித் தமிழ் ஈழத்திற்கான தீர்ப்பு என்று பாமக நிறுவனர் டாக்டர் ராமதாஸ் கூறியுள்ளார்.

அவர் வெளியிட்டுள்ள அறிக்கையில், இலங்கையில் நடைபெற்ற உள்ளாட்சி தேர்தலில் தமிழர் கட்சிகளின் கூட்டணியான தமிழ் தேசியக் கூட்டமைப்பு, தமிழர்கள் அதிகம் வாழும் வடக்கு மற்றும் கிழக்கு மாநிலங்களில் மிகப்பெரிய வெற்றியை பெற்றிருக்கிறது.

வடக்கு மாநிலத்தில் உள்ள யாழ்ப்பாணம், கிளிநொச்சி ஆகிய மாவட்டங்களில் இலங்கை படையினர் வன்முறைகளை கட்டவிழ்த்துவிட்டனர்- ஆளும் கட்சியினர் சார்பில் வாக்காளர்களுக்கு பணம் தரப்பட்டது.

இவற்றையெல்லாம் மீறி வடக்கு மாநிலத்தில் மொத்தமள்ள 20 உள்ளாட்சி அமைப்புகளில் 18 இடங்களை தமிழ் தேசியக் கூட்டமைப்பு வென்றுள்ளது. அதுமட்டுமின்றி, பதிவான வாக்குகளில் 75 விழுக்காட்டிற்கும் அதிக வாக்குகளை அக்கூட்டமைப்பு பெற்றுள்ளது.

இதன்மூலம் ராஜபக்சே தலைமையிலான சிங்கள இனவெறி அரசு மீது தங்களுக்கு நம்பிக்கையில்லை என்பதையும், தங்களுக்கென தனித் தமிழ் தலைமை தேவை என்பதையும் ஈழத்தமிழர்கள் உணர்த்தியிருக்கின்றனர். இதை தனித் தமிழ் ஈழம் அமைவதற்கான கருத்து கணிப்பு முடிவாகவே உலக நாடுகள் கருத வேண்டும்.

இலங்கையில் சிங்களர்கள் வாழும் பகுதிகளை பொறுத்தவரை தமிழர்களை அழிக்கவேண்டும் என்ற எண்ணம் கொண்ட ராஜபக்சே கட்சிதான் பெரும்பாலான இடங்களை கைப்பற்றியுள்ளது. இதன்மூலம் இலங்கையில் தமிழர்களும், சிங்களர்களும் இணைந்து வாழ்வதற்கான வாய்ப்பே இல்லை என்பது இன்னொருமுறை நிரூபிக்கப்பட்டுள்ளது.

இந்தியா உள்ளிட்ட உலக நாடுகள் இதை உணர்ந்து, தமிழர்கள் வாழும் பகுதிகளை பிரித்து, தனித் தமிழ் ஈழம் அமைப்பதற்கான நடவடிக்கைகளை மேற்கொள்ள வேண்டும். இதற்காக ஈழத்தமிழர்கள், தமிழகத் தமிழர்கள் மற்றும் உலகின் பல்வேறு பகுதிகளில் வாழும் தமிழர்களிடம் பொதுவாக்கெடுப்பு நடத்தப்பட வேண்டும்.

வாக்கெடுப்பு முடிவுகளின் அடிப்படையில் கிழக்கு தைமூர், தெற்கு சூடான் ஆகியவற்றிற்கு அடுத்தப்படியாக உலகின் 194வது நாடாக தமிழ் ஈழத்தை அறிவிக்க ஐ.நா. நடவடிக்கை மேற்கொள்ள வேண்டும் என்று வலியுறுத்துகிறேன்.

இவ்வாறு ராமதாஸ் தனது அறிக்கையில் கூறியுள்ளார்.

ஓமனில் சிறைப்பிடிக்கப்பட்டுள்ள தமிழர்களை மீட்க வேண்டும்:

அவர் வெளியிட்டுள்ள இன்னொரு அறிக்கையில், கொரியா நாட்டுக்குச் சொந்தமான ஓஷன் ஸ்டார் என்ற கப்பல் பாகிஸ்தானின் கராச்சி நகரிலிருந்து ஓமனுக்கு அரிசி ஏற்றிச் சென்றபோது, ஓமன் கடல் பகுதியில் புயலில் சிக்கி கடந்த மாதம் 26ஆம் தேதி மூழ்கிவிட்டது.

அக்கப்பலில் இருந்த 10 பணியாளர்களில் 4 பேர் கடலில் குதித்து தப்ப முயன்றபோது அவர்களை துபாய் நாட்டுக் கப்பல் மீட்டது. அவர்களில் இந்தியாவைச் சேர்ந்த மூவர் இந்திய அரசிடம் ஒப்படைக்கப்பட்டுவிட்டனர்.

மீதமுள்ள 6 பேரையும் ஓமன் நாட்டுக் கடற்படையினர் மீட்டு தங்களது காவலில் வைத்திருப்பதாக தெரியவந்துள்ளது. அவர்களில் தமிழகத்தைச் சேர்ந்த கனராஜ் சேவியர், ஸ்ரீதர் சகாய ராஜ் ஆகிய இருவர் உள்ளிட்ட 4 இந்தியர்களும் அடக்கம்.

கடந்த 10 நாட்களாக ஓமன் நாட்டு கடற்படையினரின் காவலில் உள்ள அவர்களை மீட்டுத்தரும்படி உறவினர்கள் முறையீடு செய்தும், இன்றுவரை அவர்ள் மீட்கப்படவில்லை. எனவே, இந்த விஷயத்தில் மத்திய அரசும், கப்பல் போக்குவரத்துத்துறை அமைச்சர் ஜி.கே.வாசனும் தலையிட்டு ஓமன் நாட்டில் உள்ள இந்திய தூதரகம் மூலமாக தமிழகத்தைச் சேர்ந்த இருவர் உள்ளிட்ட 4 இந்தியர்களையும் உடனடியாக மீட்க நடவடிக்கை எடுக்க வேண்டும் என்று கோரியுள்ளார்.

பொன்னாடைக்கு பதில் குழந்தைகளுக்கு துணி வாங்கி கொடுங்கள்-ராமதாஸ்:

எனக்கு பொன்னாடை அணிவிப்பதற்கு பதில் உங்கள் குழந்தைகளுக்கு துணிமணி வாங்கிக் கொடுங்கள் என்று தொண்டர்களுக்கு டாக்டர் ராமதாஸ் அறிவுரை கூறினார்.

சென்னையில் பாமக சார்பில் அரசியல் கட்சிகளும், தேர்தல் செலவுகளும் என்ற தலைப்பில் கருத்தரங்கு நடந்தது. அதில் பேசிய ராமதாஸ், மேலோட்டமாக பார்த்தால் தேர்தலில் செலவு எதுவும் இல்லை என்று தோன்றும். ஆனால் வாக்குச்சாவடி செலவு என்பது மூன்று கட்டமாக செலவு செய்யப்படுகிறது. ஒவ்வொரு கட்டத்திலும் ரூ.10 ஆயிரத்திலிருந்து ரூ.20 ஆயிரம் வரை ஒவ்வொரு கட்சியிலும் செலவு செய்கின்றனர். பல்வேறு செலவுகளுக்கு பணம் தராவிட்டால் வேலை செய்ய முடியாது என்ற சூழ்நிலைக்கு வந்துவிடுகின்றனர்.

தேர்தல் வந்துவிட்டாலே, அந்த திருவிழாவில் டாஸ்மாக் கடைகளில் இருந்து, பிரியாணி கடைகள் வரை பணம் கொழிக்கிறது. தேர்தல் செலவு என்ற பெயரில் கறுப்பு பணப்புழக்கம் அதிகமாகிவிட்டது.

ஒரு இடைத்தேர்தலில் ஒரு ஓட்டுக்கு ரூ.2 ஆயிரம் வரையும், இன்னொரு இடைத்தேர்தலில் ரூ.10 ஆயிரம் வரையும் பணம் கொடுத்தார்கள். பென்னாகரம் இடைத்தேர்தலில் ரூ.75 கோடி வரை செலவு செய்தார்கள். அந்தப் பணம் எங்கிருந்து வந்தது?.

1962ல் காஞ்சீபுரம் தேர்தலில் தோல்வி அடைந்த அண்ணா, காங்கிரசார் பணத்தினால் தன்னை தோற்கடித்தார்கள் என்றார். காங்கிரசை குறை கூறிய திராவிட இயக்கங்கள் எதிர்காலத்தில் அதனை மாற்றிக் காட்டினார்களா என்றால் இல்லை.

தேர்தலில் செலவுகள் என்பது இனி இருக்கக்கூடாது. இனி நாங்கள் கட்சியினருக்கு வாக்குச்சாவடி செலவு கொடுக்கப் போவதில்லை என்று எல்லா அரசியல் கட்சிகளும் உறுதியேற்றுக் கொள்ள வேண்டும்.

இந்த பிரகடனத்தை உள்ளாட்சி தேர்தலில் நாங்கள் செய்து காட்டுவோம். இனி வருகின்ற தேர்தலில் ஆடம்பர மேடைகள் கூடாது. அரசியல் கட்சிகளுக்கு தேர்தல் ஆணையமே பிரசார செலவை செய்ய வேண்டும். பின்னர் அந்த கட்சிகளிடமிருந்து அந்த செலவை திரும்ப பெறலாம். தேர்தல் செலவுகள் குறித்து தேர்தல் ஆணையத்தின் கட்டுப்பாடுகளை இன்னும் கடுமையாக்க வேண்டும் என்றார்.

விழாவில் ராமதாசுக்கு ஏராளமான தொண்டர்கள் பொன்னாடை அணிவிக்க வந்தனர். அவற்றை ஏற்க மறுத்த டாக்டர் ராமதாஸ், இந்த பொன்னாடைகளுக்குப் பதிலாக புத்தகங்களை பரிசாக வழங்குங்கள். அதுவும் இல்லாவிட்டால் கைகொடுத்து வாழ்த்துங்கள், அதுபோதும். இந்தப் பொன்னாடைக்கு பதிலாக உங்கள் குழந்தைகளுக்கு துணிமணிகளை வாங்கித் தாருங்கள். இனி பொன்னாடை அணிவிக்க வேண்டாம், வெடி வெடிக்கவும் வேண்டாம் என்றார்.

http://thatstamil.oneindia.in/news

தி.மு.க., வினர் மீது கை வைத்தால்! கோவையில் கருணாநிதி ஆவேசம்

கோவை:""தி.மு.க.,வினர் மீது கை வைத்தால் என்னவாகும்'' என்று இக்கட்சியின் பொதுக்குழு கூட்டத்தில் எச்சரிக்கை விடுத்து கருணாநிதி ஆவேசத்துடன் பேசினார்.தி.மு.க., வின் செயற்குழு மற்றும் பொதுக்குழு கூட்டம் கோவை சிங்காநல்லூரில் இரண்டு நாட்கள் நடந்தது. இதில், 2050 பேர் பங்கேற்றனர். இக்கூட்டத்தில் தி.மு.க.,வினர் மீது பழி வாங்கும் நடவடிக்கையில் ஈடுபடும் அ.தி.மு.க., வின் அரசுக்கு கண்டனம் உள்ளிட்ட 25 தீர்மானங்கள் நிறைவேற்றப்பட்டன. கூட்டத்தின் நிறைவில் தி.மு.க., தலைவர் கருணாநிதி பேசியதாவது:
கூட்டத்தில் பங்கேற்றுள்ள அனைத்து செயற்குழு மற்றும் பொதுக்குழு உறுப்பினர்களுக்கும் நன்றி. இக்கூட்டம் மிகவும் முக்கியத்துவம் வாய்ந்தது. தி.மு.க.,வினர் மீது அ.தி.மு.க., அரசு கைது நடவடிக்கை எடுத்து வருகிறது. தி.மு.க., மீது கை வைத்தால் என்னவாகும்...? இதை நான் வன்முறையாக சொல்லவில்லை.மாவட்ட செயலாளர்கள் உள்ளிட்ட கட்சி பிரமுகர்கள் மீது கைது நடவடிக்கை எடுப்பதை விட்டு விட்டு, ஜெயலலிதா தேர்தல் வாக்குறுதியில் அறிவித்த திட்டங்களை செயல்படுத்துவதில் கவனம் செலுத்துவது நல்லது; இதை நான் அறிவுரையாகத்தான் சொல்கிறேன்.

காங்கிரஸ் கூட்டணியில் இருந்து தி.மு.க., விலக வேண்டும் என சில பத்திரிகைகள் விரும்புகின்றன; அதற்கேற்ப அவை செயல்பட்டு வருகின்றன. காங்கிரசுடனான கூட்டணி தொடரும். காங்கிரஸ் கூட்டணிக்கு சில காங்கிரசாரே எதிர்ப்பு தெரிவித்து வருகின்றனர்.நாங்கள் கூட்டணியை தேடி அலைபவர்கள் அல்ல. தி.மு.க., வலிமையான கட்சி; தன்னைத்தானே நிலை நிறுத்திக்கொள்ளும் பலம் உண்டு.

காங்கிரசுடன் உறவு தொடரும். நடந்து முடிந்த சட்டசபை தேர்தலில் தி.மு.க., தோல்வியடைந்தாலும், தி.மு.க.,வுக்குள்ள ஓட்டு வங்கி குறையவில்லை. மக்களின் ஆதரவை பெற்றுள்ளது. எனவே, தி.மு.க.,வினர் மீது தொடர்ந்து எடுக்கப்பட்டு வரும் கைது நடவடிக்கை சரியல்ல.இவ்வாறு தி.மு.க., தலைவர் கருணாநிதி ஆவேசத்துடன் பேசினார்.
http://www.dinamalar.com

15 ஆயிரம் ரூபா பணத்திற்காக முதியவரைக் கொன்றது சிறீலங்கா இராணுவம்! வன்னியில் சம்பவம்!

முல்லைத்தீவு குமுழமுனைக் கிராமத்தினைச் சேர்ந்த முதியவர் ஒருவர் 15 ஆயிரம் ரூபா பணத்திற்காக இராணுவத்தினரால் படுகொலை செய்யப்பட்டிருக்கின்றார்.

இந்தச் சம்பவம் குறித்து மேலும் தெரியவருவதாவது,

குமுழமுனை மேற்கு கிராமத்தினைச் சேர்ந்த 65 வயதுடைய முதியவரான பிலிப் செல்லையா என்பவர் கடந்த புதன் கிழமை குடும்ப வறுமைகாரணமாக முள்ளியவளை இலங்கை வங்கியில் நகையினை அடைவு வைக்கச் சென்றிருக்கின்றார். மறு நாளாகியும் அவர் வீடு திரும்பாததை அடுத்து முதியவரின் உறவினர்கள் பொலிஸ், இராணுவம், இராணுவப் புலனாய்வாளர்களிடம் முறையிட்டிருக்கின்றர்.

இந் நிலையில் வெள்ளிக்கிழமை ஐந்தாம் கட்டை என்ற பகுதியில் இருந்து மர்மான முறையில் கொல்லப்பட்ட நிலையில் அவரது சடலம் மீட்கப்பட்டிருக்கின்றது.

இந்தச் சம்பவம் குறித்து முதியவரின் குடும்பத்தினருடன் தொடர்பு கொண்டு கேட்டபோது,

நகையினை அடைவு வைத்துவிட்டு 15, ஆயிரம் ரூபாவுடன் வீட்டிற்குத் திரும்பிக் கொண்டிருந்தவர் ஐந்தாம் கட்டை என்ற பகுதியில் மரநிழலில் இழைப்பாறியிருக்கின்றார். அவர் இழைப்பாறிய இடத்திற்கு இரண்டு பக்கமும் 50 மீற்றர் தொலைவில் இராணுவ நிலைகள் இருந்திருக்கின்றன. அந்த நிலைகளில் இருந்து இராணுவத்தினர் முதியவருடன் உரையாடிக்கொண்டிருந்ததை ஊரார் கண்டிருக்கின்றனர்.

அதன் பின்னர் அவர் காணாமல் போனதாக உறவினர்கள் தெரிவித்துள்ளனர். அந்தப் பணத்தினை பிடுங்கிக் கொள்வதற்காகவே அந்த முதியவர் கொல்லப்பட்டதாக உறவினர்கள் கண்ணீர் மல்கத் தெரிவித்துள்ளனர்.

கரூரில் விதவையிடம் ரூ. 1 கோடி மதிப்புள்ள நிலத்தை அபகரித்த திமுக நகரச் செயலாளர்

கரூர்: கரூர் அருகே விதவைப் பெண்ணிடம் ரூ. 1 கோடி மதிப்புள்ள நிலத்தை அபகரித்ததாக திமுக செயலாளர் சாமிநாதன் மீது புகார் எழுந்துள்ளது.

கரூர் மாவட்டம் வேலாயுதம்பாளையம் அருகே உள்ளது புஞ்சை புகளூர் வடக்கு கிராமம். இந்த கிராமத்தைச் சேர்ந்தவர் நல்லப்பன் (லேட்) மனைவி சோலியம்மாள்.

அவர் கரூர் மாவட்ட நில அபகரிப்பு பிரிவில் புகார் ஒன்றை கொடுத்துள்ளார். அந்த புகார் மனுவில் கூறியிருப்பதாவது,

நான், எனது மகள் சித்ரா மற்றும் மகன் அசோக்குமாருடன் வேலாயுதம்பாளையம் அருகே உள்ள புஞ்சை புகளூர் வடக்கு கிராமத்தில் வசித்து வருகின்றேன்.

எனது கணவர் இறந்து போனதால் குடும்பம் நடத்த மிகவும் கஷ்டப்பட்டேன். இதனால் சிலரிடம் கடன் வாங்கினேன்.

எனக்கு சொந்தான நிலம் புஞ்சை புகளூர் பஸ் நிறுத்தம் அருகே உள்ளது. ரூ. 1 கோடி மதிப்புள்ள இந்த நிலத்தை விற்று கடனை அடைக்க முடிவு செய்தேன். இதையடுத்து அப்பகுதி திமுக நகரச் செயலாளர் சாமிநாதனுக்கு நிலத்தை விற்க பவர் அளித்தேன்.

அந்த இடத்திற்காக சாமிநாதன் எனக்கு ரூ. 15 லட்சம் மட்டும் தான் கொடுத்தார். அந்த நிலத்தை அவர் மகள் ரேவதி பெயருக்கு மாற்றி அபகரித்துக் கொண்டார். எனவே, என்னை மோசடி செய்த சாமிநாதன் மீது நடவடிக்கை எடுத்து நிலத்தை மீட்டுத் தருமாறு கோட்டுக் கொள்கிறேன்.

இவ்வாறு அவர் அந்த மனுவில் தெரிவித்திருந்தார்.

இந்த புகார் மீது நில அபகரி்ப்பு பிரி்வு போலீசார் விசாரணை நடத்தி வருகின்றனர்.

http://thatstamil.oneindia.in/news

2ஜி ஸ்பெக்ட்ரம் விற்பனைக்கு பிரதமர் மன்மோகன் சிங் ஒப்புதல் அளித்தார்.நீதிமன்றத்தில் ராசா வாதம்!

டெல்லி: 2ஜி ஸ்பெக்ட்ரம் விற்பனைக்கு பிரதமர் மன்மோகன் சிங் ஒப்புதல் அளித்தார். இதை பிரதமர் மறுக்க முடியாது. வேண்டுமானால் அதை அவர் மறுத்துப் பார்க்கட்டும் என்று முன்னாள் தொலைத் தொடர்புத்துறை அமைச்சர் ராசா சிபிஐ நீதிமன்றத்தில் வாதாடி பெரும் பரபரப்பை ஏற்படுத்தியுள்ளார்.

மேலும் 2ஜி ஸ்பெக்ட்ரத்தை ஏலம் விடுவதில்லை என்ற முடிவை நான் எடுக்கவில்லை. கடந்த பாஜக கூட்டணி ஆட்சியில் பின்பற்றப்பட்ட விதிமுறைகளைப் பின்பற்றியே நானும் ஸ்பெக்ட்ரம் ஒதுக்கீடு செய்தேன். இதனால் நான் எந்தத் தவறும் செய்யவில்லை என்றார்.

இந்த வழக்கில் ராசா உள்பட 14 பேர் கைதாகி திகார் சிறையில் உள்ளனர். டெல்லி சிபிஐ சிறப்பு நீதிமன்றத்தில் இந்த வழக்கு நடைபெற்று வருகிறது. இதில் ராசா மீது சிபிஐ மோசடி, கிரிமினல் சதி உள்ளிட்ட குற்றச்சாட்டுகளை சுமத்தியுள்ளது.

இந்த வழக்கில் சிபிஐ தரப்பு வாதம் சனிக்கிழமையுடன் முடிவடைந்தது. சிபிஐ வழக்கறிஞர் யு.யு. லலித் நேற்று முன்தினம் வாதாடுகையில், குற்றம்சாட்டப்பட்டுள்ள அனைவருமே முறைகேடுகளில் ஈடுபட்டுள்ளனர். இதற்கான வலுவான ஆதாரங்கள் உள்ளன என்று கூறி தனது வாதத்தை முடித்தார்.

இதையடுத்து இன்று முதல் குற்றம்சாட்டப்பட்டவர்கள் தரப்பு வாதம் தொடங்கியது.

அப்போது ராசா தன் மீது சுமத்தப்பட்டுள்ள குற்றச்சாட்டுகளை மறுத்து தானே வாடினார். தனக்காக வாதாட அவர் வழக்கறிஞரை வைத்துக் கொள்ளவில்லை. சட்டப்படிப்பில் முதுநிலை பட்டம் பெற்ற அவர் தனது சார்பில் தானே வாதாடினார்.

அவர் கூறுகையில், 2ஜி ஸ்பெக்ட்ரத்தை ஏலம் விடுவதில்லை என்ற முடிவை நான் எடுக்கவில்லை. கடந்த பாஜக கூட்டணி ஆட்சியில் பின்பற்றப்பட்ட விதிமுறைகளைப் பின்பற்றியே நானும் ஸ்பெக்ட்ரம் ஒதுக்கீடு செய்தேன்.

2ஜி ஸ்பெக்ட்ரம் அலைக்கறையை ஏலம் விட வேண்டாம் என்ற முடிவு தேசிய ஜனநாயகக் கூட்டணி அரசில் எடுக்கப்பட்ட கொள்கை முடிவு. அதையே நானும் தொடர்ந்து பின்பற்றினேன். இதனால் நான் எந்தத் தவறும் செய்யவில்லை.

நான் தவறு செய்திருப்பதாகச் சொன்னால் 1993ம் ஆண்டிலிருந்து தொலைத் தொடர்புத்துறை அமைச்சர்களாக இருந்த அனைவரையுமே கைது செய்து என்னுடன் சிறையில் தள்ள வேண்டும்.

2ஜி ஸ்பெக்ட்ரம் விற்பனைக்கு பிரதமர் மன்மோகன் சிங் ஒப்புதல் அளித்தார். அவரது முன்னிலையில் தான் இதற்கான ஒப்புதல்கள் அளிக்கப்பட்டன. இதை பிரதமர் மறுக்க முடியாது. வேண்டுமானால் அதை அவர் மறுத்துப் பார்க்கட்டும்.

'ப.சிதம்பரம் தான் ஒப்புதல் தந்தார்':

யூனிடெக், டிபி ரியாலிட்டி நிறுவனங்களின் பங்குகள் விற்பனை சட்டப்படியே நடந்தன. அதில் எந்த முறைகேடும் நடக்கவில்லை. டி.பி. ரியாலிட்டி நிறுவனத்தின் பங்குகள் விற்பனைக்கு அப்போதைய நிதியமைச்சராக இருந்த ப.சிதம்பரம் ஒப்புதல் அளித்தார் என்றார்.

இந்த விவகாரத்தில் பிரமதரையும் ப.சிதம்பரத்தையும் ராசா இழுத்துவிட்டுள்ளதால் பெரும் பரபரப்பு ஏற்பட்டுள்ளது.

(மிகக் குறைந்த விலைக்கு ஸ்பெக்ட்ரம் லைசென்ஸை பெற்ற டிபி ரியாலிட்டி மற்றும் யூனிடெக் ஆகியவை உடனடியாக தங்களது பங்குகளை மிக அதிகமான விலைக்கு விற்றன என்பது குறிப்பிடத்தக்கது. இதன்மூலம் அந்த நிறுவனங்கள் பெரும் லாபம் அடைந்தன.

ஸ்பெக்ட்ரம் லைசென்ஸ் வைத்திருந்ததால் தான் அந்த நிறுவனங்களின் விலைகள் அவ்வளவு விலைக்கு விற்பனையாயின. இதனால், ஸ்பெக்ட்ரத்தின் விலை உண்மையிலேயே மிக அதிகமாக இருக்க, அதை மிகக் குறைந்த விலைக்கு ராசா ஒதுக்கிக் தந்து இந்த நிறுவனங்கள் கொள்ளை லாபம் அடிக்க உதவினார் என்பது சிபிஐயின் வாதமாகும். மேலும் இவ்வாறு ராசா செய்த உதவிக்குக் கைமாறாக ராசாவுக்கு இந்த நிறுவனங்கள் ஏராளமான கோடிகளை அள்ளித் தந்தன என்றும், அவை மொரீஷியஸ், ஷெசல்ஸ் தீவுகளில் உள்ள வங்கிகளில் முதலீடு செய்யப்பட்டு, லண்டன், சிங்கப்பூர் வங்கிகள் வழியாக ராசாவின் பினாமிகளுக்கு வந்து சேர்ந்தன என்பதும் சிபிஐயின் வாதமாகும்).

ஆ.ராசாவின் வழக்கறிஞர் சுஷில்குமார் வாதிடுகையில், முதலில் வந்தவருக்கு முன்னுரிமை என்ற அடிப்படையில் அலைக்கற்றை ஒதுக்கீடு செய்ததில் ஆ.ராசா எந்த குற்றமும் செய்யவில்லை.

முந்தைய பாஜக அரசு வகுத்த கொள்கையின் அடிப்படையில் தான், அலைக்கற்றை ஒதுக்கீட்டில் ஏலமுறையை கடைப்பிடிப்பதில்லை என்ற முடிவு எடுக்கப்பட்டது. அலைக்கற்றை ஒதுக்கீடு மத்திய அமைச்சரவை ஒப்புதலுடனேயே செய்யப்பட்டது.

2ஜி அலைகற்றை திட்டம் சாதாரண மக்களுக்கு தொலைதொடர்பு வசதி கிடைப்பதற்காக தொலைதொடர்பு வசதி கிடைப்பதற்காக கொண்டு வரப்பட்ட திட்டம். ஏல முறையை பின்பற்றியிருந்தால் அந்த இலக்கை எட்டியிருக்க முடியாது.

ஆ.ராசா பதவி காலத்தில்தான் தொலைபேசி கட்டணம் பாதியாகக் குறைக்கப்பட்டு, நாடு முழுவதும் புதிய இணைப்புகள் வழங்கப்பட்டன என்பதையும், தொலைதொடர்புத் துறையில் இது புதிய சாதனை என்றார்.

http://thatstamil.oneindia.in/news

நில அபகரிப்பு வழக்கில் போலீசார் முன்பு சரண் ; வீரபாண்டி ஆறுமுகத்திடம் இன்று விசாரணை

சேலம்: சேலம் மாவட்டத்தில் தனக்கென முழுச்செல்வாக்கு கொண்ட தி.மு.க., மாஜி அமைச்சர் வீரபாண்டி ஆறுமுகம் நில அபகரிப்பு வழக்கில் இன்று காலை 10 மணிக்கு போலீசார் முன்பு சரண் அடைந்தார். முன்னதாக 10 கார்களில் புடைசூழ வந்த போது குறிப்பிட்ட எல்லை பகுதியில் போலீசார் ( கோட்டை மாரியம்மன் கோயில் வாசல் அருகே ) தடுத்து நிறுத்தி அவர் வந்த காரை மட்டும் அனுமதித்தனர். கே.பி.,ராமலிங்கம் எம்.பி., கள்ளக்குறிச்சி எம்.பி., ஆதிசங்கர், மாஜி எம்.எல்.ஏ., வீரபாண்டி ராஜா, வக்கீல் மூர்த்தி, குடும்ப டாக்டர் ஒருவர் ஆகியோர் வீரபாண்டி ஆறுமுகத்துடன் வந்திருந்தனர்.

போலீஸ் விசாரணை அறைக்குள் வீரபாண்டி ஆறுமுகம் மட்டும் அனுப்பி வைக்கப்பட்டார். மற்றபடி யாரும் அனுமதிக்கப்படவில்லை. மத்திய குற்றப்பிரிவு உதவி கமிஷனர் பிச்சை ‌தலைமையிலான போலீசார் விசாரிக்கின்றனர். இவர்களுடன் துணை தாசில்தார் பாலகிருஷ்ணன், பெரியசாமி, அரசு டாக்டர்கள் கண்ணன், நடராஜன், கோகிலா ஆகியோரும் உள்ளனர்.

போலீஸ் விசாரணைக்கு செல்லும்போது தொண்டர்கள் போலீஸ் மற்றும் அ.தி.மு.க, அரசுக்கு எதிராக கோஷங்கள் எழுப்பினர்.

அ.தி.மு.க., அரசு பொய் வழக்கு போட்டிருக்கிறது என்றும் தனக்கு முன்ஜாமின் வழங்க வேண்டும் என்றும் சென்னை ஐகோர்ட்டில் மனுத்தாக்கல் செய்திருந்த போதிலும் முதலில் விசாரணைக்கு ஒத்துழையுங்கள் என்று கோர்ட் கூறி விட்டது. போலீஸ் காவலில் 3 நாள் விசாரிக்கப்படவும் உத்தரவிட்டது.

சேலம் அங்கம்மாள் காலனி மக்களுக்கு தானமாக வழங்கப்பட்ட நிலத்தை, அபகரித்ததாக, மாஜி அமைச்சர் வீரபாண்டி ஆறுமுகம் உட்பட, 13 பேர் மீது, சேலம் மாநகர மத்திய குற்றப்பிரிவு நில அபகரிப்பு மீட்புக் குழு போலீசார் வழக்கு பதிவு செய்தனர். அது போல பிரிமியர் ரோலர் மில் வழக்கிலும், வீரபாண்டி ஆறுமுகம் உட்பட, 11 பேர் மீது வழக்கு பதிவு செய்யப்பட்டுள்ளது.

சேலம், பழைய பஸ் ஸ்டாண்ட் அருகில், டவுன் போலீஸ் ஸ்டேஷனுக்கு பின்புறம் நில அபகரிப்பு மீட்புக் குழு அலுவலகம், மிகவும் குறுகலான சந்தில் அமைந்துள்ளது. முன்னாள் அமைச்சர் ஆஜராகும் நிலையில், அவரது ஆதரவாளர்கள், சேலத்தில் அதிக அளவில் கூடுவர். இதனால் சட்டம் - ஒழுங்கு பிரச்னை ஏற்படும் என்ற முன்னெச்சரிக்கை நடவடிக்கையாக முக்கிய வீதிகளில் போலீசார் குவிக்கப்பட்டுள்ளனர்.

13 பேரில் 4 பேர் கைது : அங்கம்மாள் காலனி நில விவகார வழக்கில், முன்னாள் அமைச்சர் வீரபாண்டி ஆறுமுகம், தி.மு.க.,வைச் சேர்ந்த மாவட்ட பஞ்சாயத்து துணைத் தலைவர் பாரப்பட்டி சுரேஷ்குமார், கவுசிக பூபதி, காங்கிரஸ் பிரமுகர்கள் எம்.ஏ.டி., கிருஷ்ணசாமி, உலகநம்பி, கவுன்சிலர் ஜிம்மு ராமு, மகேந்திரன், சித்தானந்தம், கனகராஜ், ஆட்டோ முருகன், கறிக்கடை பெருமாள், மாஜி போலீஸ் இன்ஸ்பெக்டர் லட்சுமணன், முன்னாள் ஆர்.டி.ஓ., பாலகுருமூர்த்தி ஆகிய 13 பேர் மீது வழக்குப்பதியப்பட்டுள்ளது. எம்.ஏ.டி., கிருஷ்ணசாமி, கனகராஜ், ஆட்டோ முருகன், கறிக்கடை பெருமாள் ஆகியோர் கைது செய்யப்பட்டுள்ளனர்.

கருணாநிதி ஆறுதல்: நேற்று நடந்த தி.மு.க., பொதுக்குழுவில் பங்கேற்ற வீரபாண்டி ஆறுமுகம் தம்மீதும், கழக தொண்டர்கள் மீதும் பொய்வழக்கு போடப்பட்டு என்னை தேடப்படும் குற்றவாளியாக அறிவிக்கப்பட்டதே இதற்கு இதுவரை கட்சி ஏதாவது நடவடிக்கை எடுத்ததா ? இப்படி விட்டு விட்டால் கட்சி ஒன்றுமில்லாமல் போய்விடும் என தனது குமுறலை வெளியிட்டார். பேச்சைக்கேட்டுக்கொண்டிருந்த கருணாநிதி சும்மா விட்ருவோம்மாய்யா., என்று தேற்றினார்.

பஜார் தெருவில் கடைகள் அடைப்பு : இவரது விசாரணை இன்று நடப்பதையொட்டி முன்னெச்சரிக்கை நடவடிக்கையாக சேலம் பஜார் தெருவில் உள்ள கடைகளை போலீசார் அடைக்கும் படி கூறிவிட்டனர். இவருடன் வந்த வாகனங்கள் பாதியிலேயே நிறுத்தப்பட்டதால் பழைய பஸ் ஸடாண்ட் முதல் , கோட்டை மாரியம்மன் கோயில் வரை போக்குவரத்து பாதிக்கப்பட்டது. தற்போது இவரிடம் விசாரரணை நடந்து வருகிறது. இவர் 3 நாள் போலீஸ் கஸ்டடியில் இருப்பார். வரும் புதன்கிழமை மாலை மாஜிஸ்திரேட் கோர்ட்டில் ஆஜர்படுத்தப்படுவார்.
http://www.dinamalar.com

திமுக தலைவராக கருணாநிதியே நீடிப்பார்-பாதியில் காணாமல் போன அழகிரி!

கோவை: திமுகவில் திராவிட இயக்கப் பணிகள் என்றும் போல் கருணாநிதி தலைமையில் தொடரும் என்று அக் கட்சியின் பொதுக்குழுவில் தீர்மானம் நிறைவேற்றப்பட்டுள்ளது.

கோவையில் நடைபெற்ற திமுக பொதுக்குழுவில் நிறைவேற்றப்பட்ட தீர்மானங்கள்:

நமது திராவிட இயக்கப்பணிகள் என்றும்போல் தலைவர் கலைஞர் தலைமையில் தொடர்கிறது. திராவிட இயக்கத்தின் தனிப்பெரும் தலைவரான கலைஞரின் தொண்டு தொடரவும், தமிழ்நாட்டிற்கு தொடர்ந்து வழிகாட்டவும் அவர் பல்லாண்டு காலம் நலத்துடன் மகிழ்ந்து வாழ விரும்பி இப்பொதுக்குழு, தன்னுடைய அன்பார்ந்த வாழ்த்தினையும், விழைவினையும் தெரிவித்து மகிழ்கிறது.

திராவிட முன்னேற்ற கழகத்தில் தலைமைக்கழகம் முதல் கிளைக்கழகம் வரை உள்ள அமைப்புக்கள் செயல்படுகின்ற முறை குறித்தும்-மேலும் வலுவாகவும், கட்டுப்பாட்டுடனும் செயல்படுத்துவதற்கு எத்தகைய முக்கியமான மாற்றங்களை-கழகஅமைப்புகளில், அனைத்து மட்டங்களிலும் செய்யலாம் என்ற ஆலோசனைகளை கழகத்தின் தலைமை முதல் மாவட்ட அமைப்புக்களிலே உள்ள நிர்வாகிகள் வரையில் தங்களது கருத்துக்களை வழங்கலாம் என்று அறிவித்ததுடன்-கழக அமைப்புகளின் நிர்வாகிகள் தெரிவித்து அனுப்பியுள்ள விளக்க கடிதங்கள் ஆயிரத்திற்கு மேற்பட்டவை என்பதை மகிழ்ச்சியுடன் தெரிவித்துக் கொள்கிறோம்.

இத்தகைய கருத்துக்களை ஆய்வு செய்து -கழக சட்ட திட்டத்தில் இணைத்து செயல்பட்டால் மேலும் கழகம் வலிவும், பொலிவும் பெற்று நமது உயிரனைய கொள்கையாம் திராவிடஇன எழுச்சி எனும் குறிக்கோளை அடைந்திட முடியும் என்ற நிறைந்த நம்பிக்கையோடு தலைமைக்கழகத்தில் வந்து குவிந்துள்ள கழக அமைப்புகளின் வலிவுக்கும், பொலிவுக்கும் ஆக்கம் தேடும் முயற்சிக்கு உதவிடக்கூடிய ஆயிரக்கணக்கான அந்த கடிதங்களின் தொகுப்பை தலைமைக்கழகத்தின் சார்பில் கழக சட்ட திட்டங்கள், கொள்கை குறிக்கோள்களுக்கான அடித்தளத்து அச்சாணியாக பயன்படுத்த, மேலும் பரவலாகவும், ஆழமாகவும், அழுத்தமாகவும் சிந்தித்து செயல்பட வழிகாட்டுகின்ற வகையில் கருத்துக்களை ஆராய்ந்து அமைப்பு முறைகளை ஒழுங்குபடுத்திட உரிய ஆலோசனைகளை கூறுவதற்காகப் பின்வரும் கழக அமைப்பு முறை ஆலோசனைக்குழு அமைக்கப்பட்டிருக்கிறது. அதன் உறுப்பினர்களாக, டி.கே.எஸ். இளங்கோவன், எம்.பி., பொன்.முத்துராமலிங்கம், ஜி.எம்.ஷா, கு.பிச்சாண்டி, முகமது சகி, வி.பி.ராஜன், பாஸ்கர்சுந்தரம் ஆகிய ஏழு பேர் நியமிக்கப்படுகின்றனர். அவர்கள் விவாதித்து, விரைவில் வழங்கிடும் புதிய சட்டதிட்டம் வகுப்பதற்கான வழிமுறைகளை அடுத்து வரும் பொதுக்குழுவில் வைத்து, அக்குழுவின் ஒப்புதலை பெறுவதென்று இப்பொதுக்குழு தீர்மானிக்கின்றது.

திராவிட முன்னேற்றக்கழக ஆட்சியிலே புதிதாக கட்டி முடிக்கப்பட்ட சட்டமன்ற வளாகத்திற்கு செல்லக்கூடாது என்ற ஒரே நினைப்போடு செயல்பட்ட ஜெயலலிதா, "பாவேந்தர்'' செம்மொழி தமிழாய்வு நூலகத்தை இரவோடு இரவாக அப்புறப்படுத்தியதோடு, அங்கிருந்த உயர் ஆய்வுக்கான அரிய பல தமிழ் நூல்களையும், பழம்பெரும் ஓலைச்சுவடிகளையும், தமிழ் சான்றோர்களின் திருவுருவ படங்களையும், அவசர அவசரமாக அப்புறப்படுத்திய நடவடிக்கையின் மூலம் தமிழ் செம்மொழிக்கே தாம் விரோதமானவர் என்பதை நிரூபித்துள்ளார். இச்செயலை இந்த பொதுக்குழு வன்மையாக கண்டிக்கின்றது.

இந்தியாவின் அனைத்து மாநில மொழிகளையும் மத்திய ஆட்சி மொழிகளாக ஆக்குவதில் மேலும் தாமதம் ஏற்படுமேயானால், முதல்கட்டமாக-திராவிட மொழிக்குடும்பத்தின் மூத்த மொழியும், கலை இலக்கிய பண்பாடும், வளமும் நிறைந்த செம்மொழியான தமிழ்மொழியை, மத்திய ஆட்சி மொழிகளில் ஒன்றாக அறிவிக்க வேண்டும் என்று இந்த பொதுக்குழு மத்திய அரசை வலியுறுத்தி கேட்டுக் கொள்கிறது.

இனியும் காலதாமதம் செய்யாமல் மத்திய ஆட்சி மொழிகள் பற்றி ஆராய குழு ஒன்றினை ஏற்கனவே அறிவித்தவாறு உடனடியாக அமைத்திட வேண்டுமென்று இப்பொதுக்குழு மத்திய அரசை வலியுறுத்துகிறது.

மாநில மொழியை பேசக்கூடிய பல்லாயிரக்கணக்கான மக்கள் நீதிகோரி அன்றாடம் உயர்நீதிமன்றங்களை அணுகக்கூடிய நிலையில்-நீதிமன்ற நடவடிக்கைகளும், தீர்ப்புகளும் தமிழ் உள்ளிட்ட அனைத்து மாநில ஆட்சி மொழிகளிலும் வெளியிடப்படுவதை, அனைத்து உயர்நீதிமன்றங்களிலும் நடைமுறைப்படுத்த வேண்டுமென்று மத்திய அரசை இந்த பொதுக்குழு மீண்டும் வலியுறுத்தி கேட்டுக் கொள்கிறது.

இவ்வாறு தீர்மானங்கள் நிறைவேற்றப்பட்டன.

பொதுக்குழு-மாலை கூட்டத்தில் அழகிரி பங்கேற்கவில்லை:

இதற்கிடையே நேற்று முன்தினம் செயற்குழுக் கூட்டத்தில் பங்கேற்ற மத்திய அமைச்சர் அழகிரி நேற்று மாலை நடந்த திமுக பொதுக்குழுக் கூட்டத்தில் பங்கேற்கவில்லை.

காலை 10.30 மணிக்கு தொடங்கிய பொதுக்குழு கூட்டம் மதியம் 1.30 மணிக்கு முடிந்தது. கூட்ட முடிவில் மொத்தம் 25 தீர்மானங்கள் நிறைவேற்றப்பட்டன.

கூட்டம் முடிந்ததும், கருணாநிதி, ஸ்டாலின், அழகிரி உள்ளிட்ட தலைவர்கள் அவரவர் தங்கியிருந்த ஹோட்டல்களுக்குச் சென்றனர். மாலை 4 மணிக்கு மீண்டும் பொதுக்குழு கூடியது. அப்போது கருணாநிதி, ஸ்டாலின் உள்ளிட்ட தலைவர்கள் கலந்து கொண்டனர்.

ஆனால், இதில் அழகிரி கலந்து கொள்ளவில்லை. அவர், தான் தங்கியிருந்த ஹோட்டலிலேயே இருந்தார். பின்னர் மாலை 6 மணிக்கு தனது ஆதரவாளர்களுடன் விமானம் மூலம் மதுரைக்குப் புறப்பட்டு சென்றார்.

கருணாநிதி பேட்டி:

மாலையில் பொதுக் குழுக் கூட்டத்துக்குப் பின் நிருபர்களுக்கு கருணாநிதி அளித்த பேட்டி,

கேள்வி: காங்கிரஸ் மீதான அதிருப்தியால் தான் மத்திய அரசில் திமுக புதிதாக 2 அமைச்சர்களை சேர்க்கவில்லையா?

பதில்: கட்சியின் மீது எங்களுக்கு அதிருப்தி இல்லை. ஆனால் இங்கே சில பேர் பேசிக்கொண்டிருக்கிறார்கள். அவர்களுக்கு எங்கள் மீது இருக்கிற அதிருப்தியை நாங்கள் எண்ணிப் பார்க்கிறோம். அதாவது சில காங்கிரஸ்காரர்கள் இங்கே கூட்டங்களில் பேசுகிறார்கள். அவர்கள் வெளிப்படுத்துகிற அதிருப்தியைதான் பொதுக்குழுவிலே உறுப்பினர்கள் எல்லாம் எடுத்து சொன்னார்கள். அதன் காரணமாகத்தான் எந்த மாற்றத்தையும், இப்போது நாங்கள் செய்யாமல், மத்திய அமைச்சர் பதவியை ஏற்காமல், புதிய அமைச்சர்களாக யாரையும் நியமிக்காமல், ஏற்கனவே இருக்கிற அமைச்சர்கள் அப்படியே நீடிப்பார்கள் என்று கூறியிருக்கிறேன்.

கேள்வி: பிரதமர் மன்மோகன் சிங் 2 இடங்கள் பற்றி திமுக அறிவிக்கும் என்று சொல்லி இருந்தாரே?

பதில்: தி.மு.கழகத்தின் முடிவைத்தான் இப்போது அறிவித்து இருக்கிறேன்.

கேள்வி: சி.பி.ஐ. ஏற்கனவே போபர்ஸ் வழக்கில் உலக அளவில் அது ஒரு சார்பானது என்பதை நிரூபித்திருக்கிறது. தற்போது நீங்கள் சி.பி.ஐ. உள்நோக்கத்தோடு செயல்பட்டிருப்பதாக தீர்மானம் நிறைவேற்றியிருக்கிறீர்கள். அதை காரணமாக வைத்து நீங்கள் சி.பி.ஐ. மீது சட்டரீதியாக நடவடிக்கை எடுப்பீர்களா?

பதில்: நாங்கள் சி.பி.ஐ. என்ற அமைப்பையே குற்றம் சொல்ல வில்லை. அந்த அமைப்பிலே உள்ள சிலர்- அந்த அமைப்பின் பொறுப்பிலே உள்ளவர்கள்- சில பேர் உள்நோக்கத்தோடு செயல்படுகிறார்கள் என்பதுதான் உண்மை.

கேள்வி: உங்களுக்கு பிறகு யார் உங்கள் கட்சியின் தலைமைக்கு வருவார்கள் என்று கேட்டதற்கு நீங்கள் பொதுக்குழுதான் அதை முடிவு செய்யும் என்று சொல்லியிருக்கிறீர்கள். இந்த பொதுக்குழுவில் அடுத்த தலைமையைப் பற்றி முடிவு செய்யக்கூடிய சாத்தியக் கூறுகள் அதிகமாக இருந்தது. அதைப் பற்றி முடிவெடுக்கப்பட்டதா?

பதில்: ஒவ்வொரு பொதுக்குழு கூடும் போதும், மீடியாக்கள் செய்கிற கலகத்துக்காக நாங்கள் ஆட்களையோ, தலைவர்களையோ மாற்றிக் கொண்டிருக்க முடியாது. இது சட்ட திட்டங்களுக்கு உட்பட்ட கட்சி. அண்ணா காலத்தில் இருந்து சட்ட திட்டங்கள், விதிமுறைகளை வகுத்துக் கொண்டு எத்தனை ஆண்டுகளுக்கு ஒரு முறை தேர்தலை நடத்துவது-எத்தனை ஆண்டுகளுக்கு ஒரு முறை உறுப்பினர்களைச் சேர்ப்பது-தலைவரைத் தேர்ந்தெடுப்பது என்றெல்லாம் திட்டமிட்டு பணி புரிகின்ற இயக்கம் திராவிட முன்னேற்றக்கழகம். இந்த கேள்வியைக் கேட்ட சேகர் போன்றவர்களின் இஷ்டத்துக்கு நாங்கள் மாற்றிக் கொண்டு இருக்க முடியாது.

கேள்வி: இன்றைக்குக்கூட பொதுக்குழுவில் பேசிய மூத்த தலைவர் எதிர்காலத்திற்கு ஒரு மூத்த தலைவரைச் சுட்டிக்காட்ட வேண்டுமென்று பேசியிருக்கிறாரே? (இந்தக் கேள்வியைக் கேட்டது சேகர் என்ற பத்திரிக்கையாளர்)

பதில்: சேகர் என்ற செய்தியாளரை தி.மு.கழகத்தின் எதிர்கால தலைவராக தேர்ந்தெடுக்கலாம் என்று கூட பேசினார்கள்... (சிரிக்கிறார்)

கேள்வி: பொதுக்குழுவின் மாலைக்கூட்டத்தில் மு.க.அழகிரி கலந்து கொள்ளவில்லையே?

பதில்: பொதுக்குழுவில் கலந்து கொள்ளவில்லை என்றால் வந்தே இருக்க மாட்டார். வந்திருந்தார், நிகழ்ச்சிகளில் கலந்து கொண்டார். அதற்குப் பிறகுதான் ஊருக்குச் சென்றிருக்கிறார்.

கேள்வி: இந்த தேர்தல் தோல்விக்கு திமுகதான் காரணம் என்று பா.ம.க. சொல்லியிருக்கிறது. கொங்குநாடு முன்னேற்றக்கட்சியும் சொல்லியிருக்கிறதே, அதைப்பற்றி உங்கள் கருத்து என்ன?

பதில்: தி.மு.கழகத்தின் இந்த தோல்விக்கு நான்தான் காரணம் என்று பொதுக்குழுவிலே நானே பேசியிருக்கிறேன். அதற்கான விளக்கத்தையும் அளித்திருக்கிறேன் என்றார் கருணாநிதி.

http://thatstamil.oneindia.in/news/2011/07/25/dmk-internal-controversy-on-rise-as-azhagiri-skips-meet-aid0090.html

கனிமொழி ஜாமீன் விவகாரம்-சிபிஐ நடவடிக்கை பாரபட்சமானது: திமுக பொதுக்குழு தீர்மானம்

கோவை: கலைஞர் தொலைக்காட்சி நிறுவனத்தில் கனிமொழி 20 சதவீத பங்குக்கு உரியவர் என்ற முறையில் அதை ஒரு குற்றமாக கற்பித்து கனிமொழியும், நிர்வாக இயக்குனர் சரத்குமாரும் ஜாமீனில் வருவதைக் கூட சிபிஐ கடுமையான ஆட்சேபித்து, இத்தனை நாட்கள் சிறையிலே வைத்திருப்பது இயற்கை நியதிக்கும், நியாயங்களுக்கும் இந்த வழக்கின் சூழ்நிலைகளுக்கும் புறம்பானது. பாரபட்சமானது என்று திமுக பொதுக் குழு தீர்மானம் நிறைவேற்றியுள்ளது.

கோவை சிங்காநல்லூரில் திமுக செயற் குழுக் கூட்டம் நேற்று நடந்தது. இன்று பொதுக் குழுக் கூட்டம் நடந்தது. இந்தக் கூட்டத்தில் பொதுக்குழு உறுப்பினர்கள், மாவட்ட-மாநில செயலாளர்கள், அமைப்புச் செயலாளர்கள், சிறப்பு அழைப்பாளர்கள் என ஆயிரத்துக்கும் மேற்பட்டோர் கலந்து கொண்டனர்.

இக் கூட்டத்தில் செயற் குழுவில் விவாதிக்கப்பட்ட விஷயங்கள் விவாதிக்கப்பட்டன. பின்னர் 25 தீர்மானங்கள் நிறைவேற்றப்பட்டன. அதன் விவரம்:

-அதிமுக அரசின் பொய் வழக்குகளை கண்டித்து தமிழகம் முழுவதும் தி.மு.கழகம் அறப்போர் நடத்தும். பொய் வழக்கு போட்டு, பழிவாங்கும் நோக்கோடு செயல்படும் அதிமுக அரசை கண்டித்து ஆகஸ்டு 1ம் தேதி மாவட்ட தலைநகரங்களில் ஆர்பாட்டம் நடத்தப்படும்.

-மத்திய அரசு அத்தியாவசியப் பொருட்களின் விலை உயர்வுக்கு வழி வகுக்கும் டீசல், பெட்ரோல், சமையல் எரிவாயு, மண்ணெண்ணெய் ஆகியவற்றின் விலைகளைக் குறைக்க வேண்டும்.

-திருச்சி, கோவை, திருநெல்வேலி, மதுரை என்று நான்கு இடங்களில் அண்ணா தொழில்நுட்பப் பல்கலைக்கழகங்கள் புதிதாக கழக ஆட்சியில் தொடங்கப்பட்டன. ஆனால் திமுக அரசு செய்த அனைத்துப் பணிகளையும் உருவில்லாமல் செய்ய வேண்டுமென்ற எண்ணத்தோடு செயல்படும் அதிமுக அரசு, தேசிய அறிவுசார் ஆணையம் அறிவித்திருக்கும் அடிப்படைப் பரிந்துரைகளுக்கும் மாறாக, அதிக எண்ணிக்கையில் உயர் கல்விக்கான பல்கலைக் கழகங்களைத் தொடங்கி விட்டால் மட்டும் கல்வியின் தரம் உயர்ந்து விடாது என்று கூறிக்கொண்டு, சென்னை அண்ணா பல்கலைக்கழகத்தை நிர்வாகச்சுமை மிகுந்த பழைய நிலைக்கே கொண்டு வர முடிவெடுத்திருப்பதாகச் சொல்வது மாணவர்களின் எதிர்காலத்தையும், உயர் கல்வியின் தரத்தையும், ஆராய்ச்சியின் தரத்தையும் நாசமாக்கி அழித்திடும் தவறான முயற்சி என்பதை சுட்டிக்காட்டுகிறோம்.

-தமிழக அரசின் சார்பில் விரைவில் சட்டமன்றத்தில் நிதிநிலை அறிக்கை தாக்கல் செய்யப்படும் சூழ்நிலையில், தமிழக அரசு 4200 கோடி ரூபாய்க்கு புதிய வரிவிதிப்பு செய்ததும், ஜவுளி உற்பத்தியாளர்கள் கோரிக்கை வைத்தார், ஜவுளித் தொழில் பாதிக்கப்பட்டுள்ளது என்றெல்லாம் ஒரு காரணத்தைக் காட்டி அதன் மீதான வரியை ரத்து செய்வதாக அறிவித்ததும்- இந்த ஆட்சியாளர்களின் அவசரப்பட்ட முடிவுகள் என்று இப்பொதுக்குழு கண்டிப்பதோடு, எஞ்சியவற்றின் மீது உயர்த்தப்பட்ட வரிகளையும் கைவிட வேண்டுமென்றும் வலியுறுத்துகிறோம்.

-கலைஞர் தொலைக்காட்சி நிறுவனத்தில் கனிமொழி 20 சதவீத பங்குக்கு உரியவர் என்ற முறையில் அதை ஒரு குற்றமாக கற்பித்து கனிமொழியும், நிர்வாக இயக்குனர் சரத்குமாரும் ஜாமீனில் வருவதைக் கூட சிபிஐ கடுமையான ஆட்சேபித்து, இத்தனை நாட்கள் சிறையிலே வைத்திருப்பது இயற்கை நியதிக்கும், நியாயங்களுக்கும் இந்த வழக்கின் சூழ்நிலைகளுக்கும் புறம்பானது. பாரபட்சமானது.

-ஆ.ராசாவும், தயாநிதி மாறனும் நீதிமன்றத்தில் தாங்கள் குற்றமற்றவர்கள் என்பதை நிரூபிப்போம் என்று சொல்லி பதவி விலகி இருக்கிறார்கள். இந்த பிரச்சனைக்கு விரைவில் நீதிமன்றத்தில் நல்ல தீர்ப்பு கிடைக்கும் என பொதுக்குழு நம்புகிறது.

-மத்திய அரசு கொண்டு வரவிருக்கும் லோக்பால் மசோதாவில் பிரதமரையும் சேர்க்க வேண்டும் என்று தெரிவித்துள்ள கலைஞரின் நிலைப்பாட்டை இப்பொதுக் குழு ஏற்று வலியுறுத்துகிறது.

-புதிய தலைமைச் செயலக கட்டிடத்தை பயன்படுத்த வேண்டும். இந்த புதிய தலைமைச் செயலகம் கட்டியதில் முறைகேடுகள் நடந்ததாக கூறி விசாரணைக்குழு அமைக்கப்பட்டுள்ளது கண்டனத்திற்குரியது.

இவை உள்பட 25 தீர்மானங்கள் நிறைவேற்றப்பட்டன

http://thatstamil.oneindia.in/news

கருணாநிதியே நிரந்தர தலைவர் ஸ்டாலின் அழகிரி மோதலுக்கு கோவையில் முற்றுப்புள்ளி

கோவை: திமுகவை வலுப்படுத்த அமைப்புச் செயலாளர் டிகேஎஸ் இளங்கோவன் தலைமையில் 7 பேர் கொண்ட ஆலோசனைக் குழு அமைக்கப்படவுள்ளது. இந்தக் குழு, கட்சியின் புதிய சட்ட திட்டங்களை வகுக்கும் என்று கோவையில் நடந்த அக் கட்சியின் பொதுக் குழுவில் முடிவு செய்யப்பட்டுள்ளது.

கோவை சிங்காநல்லூரில் திமுக செயற் குழுக் கூட்டம் நேற்று நடந்தது. இன்று பொதுக் குழுக் கூட்டம் நடந்தது. இந்தக் கூட்டத்தில் பொதுக்குழு உறுப்பினர்கள், மாவட்ட-மாநில செயலாளர்கள், அமைப்புச் செயலாளர்கள், சிறப்பு அழைப்பாளர்கள் என ஆயிரத்துக்கும் மேற்பட்டோர் கலந்து கொண்டனர்.

இக் கூட்டத்தில் செயற் குழுவில் விவாதிக்கப்பட்ட விஷயங்கள் விவாதிக்கப்பட்டன. பின்னர் 25 தீர்மானங்கள் நிறைவேற்றப்பட்டன. அதன் விவரம்:

-கடந்த தேர்தலில் திமுக கூட்டணிக்கு வாக்களித்த 1 கோடியே 45 லட்சம் பேருக்கும் நன்றி தெரிவித்துக் கொள்கிறோம்.

-தி.மு.கவை வலுப்படுத்த 7 பேர் கொண்ட முக்கிய ஆலோசனைக் குழு அமைக்கப்படுகிறது. இந்தக் குழுவுக்கு அமைப்புச் செயலாளர் டிகேஎஸ் இளங்கோவன் தலைமை ஏற்பார். இந்தக் குழு, கட்சியின் புதிய சட்ட திட்டங்களை வகுப்பதற்கான பணிகளில் ஈடுபடும். அடுத்த பொதுக் குழுவில் இவர்கள் தங்கள் ஆலோசனைகளை, சட்ட திட்டங்களை வகுத்துக் கொடுப்பார்கள்.

-நில அபகரிப்பு என்ற பெயரில் திமுகவினர் மீது பழிவாங்கும் நடவடிக்கையில் பொய்யான வழக்கு பதிவு செய்யப்பட்டுள்ளது. அந்த ஏழைகளின் நிலத்தை மீண்டும் அவர்களிடம் ஒப்படைக்க வேண்டும்.

-அதிமுக அரசு சமச்சீர் கல்வியைக் குழித்தோண்டி புதைக்க முயற்சிப்பது மக்களையும், மாணவர்களையும் ஏமாற்றும் காரியமாகும். இது பள்ளி மாணவர்கள் மத்தியில் குழப்பத்தை உருவாக்கி அவர்கள் படிப்பைப் பாழாக்கிடும் செயல் என்று இப்பொதுக்குழு அறிவிப்பதோடு, இருளிலும் ஒரு ஒளியாக சென்னை உயர்நீதிமன்றம், திமுக அரசு கொண்டு வந்த சமச்சீர் கல்விக்குப் பாதுகாப்பாக அண்மையில் அளித்துள்ள மகத்தான தீர்ப்பு மனக் கவலை போக்கும் மாமருந்தாக அமைகிறது.

உயர்நீதிமன்ற தீர்ப்புக்கு நன்றி தெரிவிப்பதோடு, அதனையேற்க வேண்டு மென்று தமிழகத்திலே உள்ள அனைத்துக் கட்சித் தலைவர்களும், கல்வியாளர்கள் பலரும் அதிமுக அரசுக்கு வேண்டுகோள் விடுத்தும், அதனையேற்காமல் உச்சநீதிமன்றத்தில் அரசு மேல்முறையீடு செய்தது என்பது யாரையும் எந்தக் கட்சியினரையும் மதிக்காத செயல் என்பதைச் சுட்டிக்காட்டுவதோடு- அதற்குத் தகுந்த பாடம் கற்பிக்கத்தக்க வகையில் உச்சநீதிமன்றம் அளித்துள்ள உத்தரவில் உயர்நீதிமன்றத் தீர்ப்புக்கு தடை விதிக்க முடியாதென்றும், ஆகஸ்ட் 2ம் தேதிக்குள் சமச்சீர் பாடப்புத்தகங்களை மாணவர்களுக்கு விநியோகிக்க வேண்டுமென்றும் கூறியிருப்பதை இப்பொதுக்குழு வரவேற்பதோடு- அதனை மதிக்காமல் அந்த உத்தரவை அவமதிக்கின்ற அளவிற்கு அரசு சமச்சீர் பாடப்புத்தகங்களை இதுநாள் வரை மாணவர்களுக்கு வழங்காமலும், அரசு பாடநூல் கழக வெப்சைட்டில் இருந்த சமச்சீர் கல்விப் பாடப்புத்தப் படிவங்களை நீக்கம் செய்தும் இருப்பதை வன்மையாகக் கண்டிக்கின்றது.

-முல்லைப் பெரியாறில் தமிழகத்தின் உரிமையை நிலைநாட்ட நடவடிக்கை எடுக்கப்பட வேண்டும்.

-இலங்கையில் சிங்களவர்- தமிழர்கள் என்ற இரு சாராரும் சம உரிமைகளோடு வாழ்வதற்கும் வழிகாணும் என்ற நம்பிக்கையோடு அதற்கான ஆக்க பணிகளுக்கு திராவிட முன்னேற்ற கழகம் அன்று போல் இன்றும்- என்றும் தமிழ் ஈழ மக்களின் தனி உரிமைக்கு துணை நிற்கும் என இந்த பொதுக் குழு உறுதி கூறுகிறது.

-இலங்கையில் தமிழர்களுக்கு எதிராக நடத்தப்பட்ட போர் குற்றங்கள் பற்றி ஐக்கிய நாடுகள் அவையின் விசாரணைக் குழு அறிக்கையில் காணப்படும் போர் குற்றங்களுக்கான பன்னாட்டு குற்றவியல் நீதி மன்றத்தில் இந்த கொடுஞ்செயலுக்கு காரணமானவர்களை தண்டிக்க உரிய நடவடிக்கைகளை எடுப்பதற்கு மனித உரிமையை போற்றுகிற இந்தியா உள்பட அனைத்து நாடுகளும் முன்வர வேண்டும் என்று இந்த பொதுக்குழு வலியுறுத்துகிறது.

ஈழத் தமிழர்களின் உரிமை காத்திட அவர்களிடம் பொது வாக்கெடுப்பு நடத்தி ஒர் அரசியல் தீர்வுக்கு வழி காண வேண்டும் என இப்பொதுக் குழு கேட்டுக் கொள்கிறது.

-கச்சத்தீவினை இந்தியாவிற்கே திரும்ப பெறுவதற்கும் உரிய சட்ட நடவடிக்கைகளை மேலும் காலதாமதமின்றி மேற்கொள்ள வேண்டும் என்று மத்திய அரசை இப்பொதுக்குழு வலியுறுத்தி கேட்டுக் கொள்கிறது.

-திராவிட முன்னேற்றக் கழகத்தை கருணாநிதியே தொடர்ந்து தலைமையேற்று வழி நடத்துவார் என்பது உள்பட 25 தீர்மானங்கள் நிறைவேற்றப்பட்டன.

அதே நேரத்தில் காங்கிரசுடனான கூட்டணி தொடர்பாகவோ, மத்திய அமைச்சரவையில் ராசா, தயாநிதி மாறனுக்குப் பதில் பிற திமுக அமைச்சர்களை சேர்ப்பது குறித்தோ எந்தத் தீர்மானமும் நிறைவேற்றப்படவில்லை.

கருணாநிதியே தலைமையேற்று வழி நடத்துவார் என்ற தீர்மானத்தின் மூலம் ஸ்டாலின், அழகிரி பதவி மோதலுக்கு திமுக இப்போதைக்கு முற்றுப்புள்ளி வைத்துள்ளது.

nanry http://thatstamil.oneindia.in

தமிழகத்தில் 14 ஐ.ஏ.எஸ். அதிகாரிகள் மாற்றம்: தமிழக அரசு உத்தரவு

சென்னை: மதுரை மாநகராட்சி கமிஷனர் செபாஸ்டினுக்குப் பதில், புதிய கமிஷனராக முதல்வர் ஜெயலலிதாவின் முன்னாள் பி.ஏவான எஸ்.நடராஜன் நியமிக்கப்பட்டுள்ளார்.

தமிழகத்தில் 14 ஐ.ஏ.எஸ். அதிகாரிகளை இடமாற்றம் செய்து தமிழக அரசு உத்தரவிட்டுள்ளது.

இது குறித்து தமிழக அரசு வெளியிட்டுள்ள உத்திரவில் கூறியுள்ளதாவது,

தூத்துக்குடி மாவட்ட கலெக்டராக ஆஷிஸ் குமாரும், கன்னியாகுமரி மாவட்ட கலெக்டராக எஸ். மதுமதியும், திருநெல்வேலி மாவட்ட கலெக்டராக டாக்டர் ஆர். செல்வராஜும் நியமிக்கப்பட்டுள்ளனர்.

தமிழ் வளர்ச்சி, அறநிலையத்துறை, செய்தித் துறை துணைச் செயலாளராக எஸ். நடராஜன் நியமிக்கப்பட்டுள்ளார்.

சுகாதாரம் மற்றும் குடும்ப நலத் துறை இயக்குநராக சத்ய பிரியா ஷாகு நியமனம் செய்யப்பட்டுள்ளார்.

தமிழ்நாடு விளையாட்டு மேம்பாடு ஆணையத்தின் உறுப்பினர் மற்றும் செயலாளராக கே. விஜயகுமார் பதவியேற்பார்.

சுற்றுச்சூழல் மற்றும் வனத்துறை செயலாளராக சி.வி.சங்கர் நியமனம் செய்யப்பட்டுள்ளார்.

இந்திய மருத்துவம் மற்றும் ஹோமியோபதி துறை இயக்குநராக ஏ. முகமது அஸ்லம் நியமிக்கப்பட்டுள்ளார்.

கால் நடை மருத்துவத்துறை இயக்குநனராக டாக்டர் ஆர். பழனிச்சாமி நியமிக்கப்பட்டுள்ளார்.

தமிழ்நாடு மகளிர் மேம்பாட்டு கழக நிறுவனத்தின் இயக்குநராக பி. அமுதா நியமனம் செய்யப்பட்டுள்ளார்.

மதுரை மாநகராட்சி ஆணையராக எஸ். நடராஜன் நியமிக்கப்பட்டுள்ளார். இவர் 1991ல் முதல்வர் ஜெயலலிதாவின் ஸ்பெஷல் பி.ஏவாகவும், 1992ல் முதல்வரின் துணைச் செயலாளராகவும் பணியாற்றியுள்ளார்.

அதே போல திருநெல்வேலி மாநகராட்சி ஆணையராக அஜய்யாதவும், திருச்சி மாநகராட்சி ஆணையராக வீரராகவராவும், சேலம் மாநகராட்சி ஆணையராக ஜி. லட்சுமி பிரியாவும் நியமிக்கப்பட்டுள்ளனர்.

http://thatstamil.oneindia.in

திமுக செயல் தலைவர் பதவி: ஸ்டாலின் அழகிரி போட்டா போட்டி-பதவி விலகுவதாக கருணாநிதி எச்சரிக்கை

கோவை: மு.க.ஸ்டாலினை திமுக செயல் தலைவராக்கினால், கடும் விளைவுகள் ஏற்படும் என மத்திய அமைச்சர் அழகிரி எச்சரித்ததையடுத்து தானே பதவி விலகத் தயாராக இருப்பதாக திமுக தலைவர் கருணாநிதி அறிவித்து பரபரப்பை ஏற்படுத்தினார்.

கோவை சிங்காநல்லூரில் நேற்று நடந்த செயற்குழுக் கூட்டத்தில், ஸ்டாலினை செயல் தலைவராக்க வேண்டும் என மூத்த தலைவர்களான பொன்முடி, வேலு ஆகியோர் பேசினர். இதையடுத்து எழுந்த அழகிரியின் ஆதரவாளர்கள், அந்தப் பதவியை அஞ்சா நெஞ்சன் அழகிரிக்கே தர வேண்டும் என குரல் எழுப்பினர். இதனால் பெரும் பரபரப்பு ஏற்பட்டது.

அப்போது இடைமறித்த மத்திய இணையமைச்சர் பழனிமாணிக்கம், நாம் கட்சியின் வளர்ச்சி பற்றி பேச வந்த இடத்தில், அடுத்த செயல் தலைவர் யார் என்று பேச வேண்டிய அவசியம் என்று கேள்வி எழுப்பினார்.

அதே போல மூத்த தலைவரான துரைமுருகன் எழுந்து, கருணாநிதி தான் இப்போது நமது தலைவர். இதனால் அடுத்த தலைவர் யார் என்பது குறித்து பேசவே வேண்டியதில்லை என்றார்.

அடுத்ததாக பேராசிரியர் அன்பழகன் எழுந்து, கலைஞர் தலைவராக இருக்கும்போது எங்களால் உங்களை (ஸ்டாலினை) தலைவராக ஏற்க முடியாது என்றார் திட்டவட்டமாக.

ஆனாலும் ஸ்டாலின், அழகிரி ஆதரவாளர்கள் தொடர்ந்து தங்களது கருத்தை முன் வைத்துப் பேசவே, எரிச்சலான திமுக தலைவர் கருணாநிதி, கட்சியின் எதிர்காலத்துக்காக நானே பதவி விலகுகிறேன் என்று அறிவிக்கவே, அனைத்துத் தரப்பினரும் அமைதியாகியுள்ளனர்.

கலைஞர் பதவி விலகுவதாக இருந்தால் நானும் எனது பொதுச் செயலாளர் பதவியிலிருந்து விலகுகிறேன் என்று அன்பழகனும் கூறவே, கூட்டத்தில் மயான அமைதி நிலவியது.

இதைத் தொடர்ந்து கூட்டத்திலிருந்து கருணாநிதி வெளியேறியுள்ளார்.

தலைவர் பதவியைப் பிடிக்க ஸ்டாலின் மிகவும் அவசரப்படுவதாக கருணாநிதி உள்ளிட்ட தலைவர்கள் கருதுவதாகத் தெரிகிறது. அதே நேரத்தில் ஸ்டாலினை செயல் தலைவராக்கினால், அதை ஏற்க மாட்டோம் என கருணாநிதியிடம் அழகிரியும் அவரது ஆதரவாளர்களும் திட்டவட்டமாகக் கூறிவிட்டதாகவும் தெரிகிறது.
http://thatstamil.oneindia.in

பிரிட்டன் ஆராய்ச்சி கூடத்தில் மனித விலங்குகள்

மனித விந்தையும் மிருகங்களின் கரு முட்டையையும் இணைத்து புதிய உயிரினங்களை பிரிட்டிஷ் விஞ்ஞானிகள் உருவாக்கியுள்ளது தெரிய வந்துள்ளது. கடந்த 3 ஆண்டாக இந்த ஆராய்ச்சி வெளி உலகுக்குத் தெரியாமல் நடந்து வருகிறது. இதுவரை 150க்கும் மேற்ப்ட்ட உயரினங்கள் இவ்வாறு உருவாக்கப்பட்டுள்ளதாக தெரிகிறது. இவ்வாறு உருவாக்கப்படும் உயிரினங்களிலிருந்து எடுக்கப்படும் மூல உயிரணுவை மனித உடலுக்குள் செலுத்தி, மனிதனுக்கு ஏற்படும் பல்வேறு நோய்களால் பாதிக்கப்பட்ட உறுப்புகளை உருப் பெறச் செய்வதுதான் இந்த ஆராய்ச்சியின் நோக்கம் என்று விஞ்ஞானிகள் தெரிவித்தனர். சட்டப்படி இத்தகைய கலப்பு உயிரனங்களை உருவாக்குவது தவறு என்பதால், இவை உருவாக்கப்பட்ட 14 நாட்களுக்குள் அழிக்கப்படுவதாகவும் இந்த கண்டுபிடிப்பு மனிதனுக்கு ஏற்படும் கொடிய நோய்களை சரி செய்வதற்கு உதவும் என்றும் இந்த விஞ்ஞானிகள் குழுவின் தலைவர் பேராசிரியர் ராபின் லோவல் பாட்ஜ் தெரிவித்தார்.
http://www.dinamalar.com