கலைஞர் மீது போர் குற்றம் சுமத்தப்படுமா?

முள்ளிவாய்க்கால் பேரவலம் என்பது இந்திய சிறீலங்கா அரசுகளின் கூட்டுச் சதியாலேயே நடத்தது என்பது தெரிந்த விடயம் தான். இந்த பேரவலம் நடப்பதற்கான வன்னிப் பெரும் பேருக்கு முழு ஒத்துழைப்பையும் வழங்கியது மத்தியில் ஆட்சியில் இருக்கும் காங்கிரஸ் அரசும் அதன் விசுவசமான வெளியுறவு கொள்கை வகுப்பாளர்களும் என்பது ஊரறிந்த விடயம்.இந்தியா இராணுவம் வன்னிப் போரிலே பங்கு பற்றியதற்கான நேரடிச் சாட்சிகளும் நிழல்பட மற்றும் காணொளி ஆதாரங்களும் இருக்கின்றன.
வன்னிப்போரை நிறுத்தி மனிதப் பேரழிவை இனப்படுகொலையை தடுத்து நிறுத்த சர்வதேசம் மேற்கொண்ட முயற்சிகளுக்கு தடையாக நின்று சிங்கள பௌத்த பேரினவாதிகளை காப்பாற்றியது இந்திய அதிகார வர்க்கம் என்பதும் அனைவருக்கும் தெரியும்.
இனப்படுகொலை தொடர்பான சர்வதேச சட்டப்படி இனப்படுகொலை புரிந்தவர்களுக்கு மட்டுமல்ல அதற்கு ஒத்துழைப்பு வழங்கியவர்களுக்கும் தண்டவழங்கப்பட வேண்டும். இந்த அடிப்படையிலே தான் யூதர்களை இனப் படுகொலை செய்த நாசிகளுக்கு அந்தக் காலத்தில் ஒத்துழைப்பு வழங்கினார் என்ற குற்றச் சாட்டின் பேரின் 92 வயது நபர் ஒருவருக்கு அண்மையில் ஜேர்மனியல் சிறைத்தண்டனை வழங்கப்பட்டது.
இந்த வகையில் கலைஞர் நிலை என்ன என்பதே இப்போதுள்ள கேள்வியாகும்.இவர் போரை நிறத்துகிறேன் மத்திய அரசுக்கு கடிதம் எழுதுகிறேன் அவர்களுடன் பேசுகிறேன் என்று கூறியே தமிழத்தில் இந்தப்படுகொலைகளை தடுப்பதற்காக எழுந்த ஜனநாயக முறையினலான முயற்சிகளை திசைதிருப்பியிருக்கிறார்.
ஏல்லாவற்றுக்கும் மேலாக உண்ணாவிரதம் இருக்கறேன் என்று கூறி விளம்பரப்படுத்திவிட்டு அங்கே போர் நிறுத்தம் ஏற்பட்டிருக்கிறது. மக்கள் காப்பாற்றப்படுவார்கள் என்று கூறி தனது உண்ணா விரதத்தை முடித்திருக்கிறார்.இதன் மூலம் வன்னி மக்களை காப்பாற்ற வேண்டும் என்று ஒன்று திரண்டு குரல் கொடுத்த தமிழக மக்களை அவர் திசை திருப்பியிருக்கிறார்.
இந்த திசை திருப்பலுக்கு பின்பு தான் அங்கு முள்ளிவாயக்கால் பேரவலம் நடந்ததும் பல்லாயிரக் கணக்கான மக்கள் இரண்டு அல்லது மூன்று நாட்களில் கொல்லப்பட்டதுமான போர் குற்றம் மற்றும் பாரிய இனப்படுகொலை நடந்தது.
இதில் கலைஞரின் பங்கென்ன? கேட்கப்படவேண்டிய கேள்வி?